Кривична пријава за двајца радовишани: продавале мраз со ешерихија коли

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава за двајца радовишани: продавале мраз со ешерихија коли

26 септември 2026

• од Тодор Вангелов

Полицијата поднесе кривична пријава против двајца 62-годишни жители на Радовиш, осомничени дека со години неовластено произведувале и продавале мраз во нехигиенски услови. Анализите покажале присуство на ешерихија коли и колиформни бактерии во мразот и на опремата за производство.

Според СВР Струмица, при претреси на четири локации биле пронајдени четири машини за производство на мраз, повеќе замрзнувачи и големи количества мраз спакуван во ќеси за продажба. Дел од мразот бил оставен за самопослужување, а купувачите ги оставале парите во посебна кутија.

Лабораториските анализи покажале дека водата што се користела за производство ги исполнувала пропишаните параметри, но готовиот мраз и другите земени примероци биле микробиолошки неисправни. Во нив биле откриени бактерии од фекално потекло, поради што мразот бил оценет како небезбеден и штетен за здравјето. Агенцијата за храна и ветеринарство запечатила и одзела опрема и околу 850 килограми мраз.

При контролата било утврдено и дека дел од водата за производството се користела преку приклучок што не бил поврзан со водомер. На друга локација, во бесправно изграден објект, полицијата пронашла и воздушна пушка без соодветна документација. За овие случаи се најавени дополнителни пријави.

Двајцата осомничени биле лишени од слобода и задржани во Полициската станица во Радовиш. Кривичната пријава е поднесена за продолжено кривично дело „производство и пуштање во промет штетни прехранбени и други продукти“.