Приватна фирма од Скопје плаќа 130.000 долари месечно за лобирање во САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Приватна фирма од Скопје плаќа 130.000 долари месечно за лобирање во САД

24 септември 2026

• од Гоце Кически

Американскиот регистар за странски агенти открива дека скопската компанија АТС Груп има договор со американската лобистичка куќа „Меркјури паблик аферс“, вреден 130.000 долари месечно. Во документ доставен во Вашингтон во име на компанијата се предлага широк пакет за стратешко партнерство меѓу САД и Македонија, кој опфаќа енергетика, дигитализација и одбрана.

На документите денеска укажа СДСМ, но податоците може независно да се проверат во американскиот регистар за странски агенти. Во регистрацијата со број 6170, која се однесува на „Меркјури паблик аферс“, АТС Груп од Скопје е заведена како странски клиент на американската компанија.

Според договорот доставен до американското Министерство за правда, од 1 февруари 2026 година АТС Груп плаќа по 130.000 долари месечно. Уплатите се предвидени квартално однапред, односно по 390.000 долари. На годишно ниво основниот надомест изнесува 1,56 милиони долари, а договорот е продолжен до 31 јануари 2027 година, со можност потоа да продолжи од месец во месец.

Посебно внимание привлекува материјалот доставен во регистарот на 2 април 2026 година. Документот носи наслов „Стратешко партнерство САД – Северна Македонија“ и предлага структуриран пакет на соработка меѓу владите, поврзан со претседателот Доналд Трамп и премиерот Христијан Мицкоски. Американскиот регистар потврдува дека материјалот е доставен од „Меркјури паблик аферс“ во име на АТС Груп.

Предлозите се значително пошироки од деловните интереси на една приватна компанија. Во документот се зборува за американски течен природен гас и енергетски проекти, стотици милиони долари за американска информатичка и комуникациска технологија, како и за преференцијален пристап на американските одбранбени компании до македонските набавки.

Во делот за одбраната се предлага воспоставување рамка за повластен пристап на американските компании, склучување договори меѓу двете влади за клучни системи и долгорочни договори за сервисирање и обука. Се предлага и развој на Криволак како заеднички македонско-американски центар за обука и подготвеност.

Документите покажуваат дека приватна македонска компанија финансира американска лобистичка фирма која во Вашингтон дистрибуира материјал со предлози што директно зафаќаат области на државната надворешна, енергетска, дигитална и одбранбена политика.

СДСМ побара да се објави целата документација и да се разјасни дали и каква координација постоела меѓу приватната компанија, лобистите и македонските институции. Самата регистрација во американскиот регистар не е доказ за незаконско постапување. Таа, сепак, јавно ги документира ангажманот на „Меркјури паблик аферс“ од страна на АТС Груп, финансиските услови на договорот и материјалот што американската фирма го дистрибуирала во име на својот клиент.