ОН: Иран извршил злосторства против човештвото при задушувањето на протестите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ОН: Иран извршил злосторства против човештвото при задушувањето на протестите

26 септември 2026

• од Гоце Кически

Иранските власти извршиле злосторства против човештвото при насилното задушување на протестите што почнаа во декември 2025 година, се наведува во нов извештај на независната истражна мисија на Обединетите нации. Меѓу утврдените прекршувања се убиства, тортура, масовни апсења и други нечовечки постапки.

Според мисијата на ОН, протестите се прошириле во сите 31 иранска покраина и во повеќе од 200 градови. Безбедносните сили во повеќе случаи употребувале смртоносна сила против луѓе кои не претставувале непосредна опасност. Меѓу загинатите и повредените имало и деца.

Истражителите утврдиле и масовни приведувања, тортура и малтретирање во притвор, како и притисок врз здравствени работници кои им помагале на повредените демонстранти. Дел од граѓаните избегнувале да побараат медицинска помош поради страв дека ќе бидат идентификувани и уапсени.

Во најнасилниот период од протестите властите вовеле и речиси целосен прекин на интернетот и мобилните комуникации. Според извештајот, ограничувањето траело речиси пет месеци и сериозно ја попречило комуникацијата меѓу семејствата, пристапот до информации и можноста да се побара итна помош.

Мисијата на ОН заклучува дека убиствата, незаконското лишување од слобода, тортурата и другите нечовечки постапки биле дел од „широк и систематски напад“ насочен против цивилното население. Поради тоа, според истражителите, дел од постапките на иранските власти претставуваат злосторства против човештвото според меѓународното право.