Наталија Ѓорѓиеска со емотивно сведоштво за Андреј од ДНК: „Да се спасеше, немаше да може да живее со таа болка“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Наталија Ѓорѓиеска со емотивно сведоштво за Андреј од ДНК: „Да се спасеше, немаше да може да живее со таа болка“

22 јуни 2026

• од Темелко Тошев

Сопругата на Андреј од музичкото дуо ДНК, Наталија Ѓорѓиеска, отвори душа и сподели длабоко емотивно сведоштво во гостувањето во емисијата „Претрес“. Зборувајќи за неговиот карактер, нејзините зборови осликаа човек со огромна пожртвуваност и непресушна желба секогаш да им помага на другите, пренесува порталот Скопје1.мк.

Во разговорот, Наталија се осврна на големата трагедија, истакнувајќи дека нејзиниот сопруг, дури и да имал шанса да го преживее настанот, тешко би можел да се помири со фактот дека толку многу човечки животи се згаснати.

„Познавајќи го Андреј, мислам дека не би можел да премине преку тоа, преку шеесет луѓе да загинат, а тој да биде меѓу преживеаните. Едноставно мислам дека самиот тој не би можел да продолжи да живее со таква болка“, изјави Ѓорѓиеска во емисијата.

Семејството на пиедестал, тој во позадина

Таа упати силна порака до јавноста – неговото дело и неговиот лик никогаш да не бидат заборавени. Според нејзините зборови, Андреј бил човек кој никогаш не останувал имун на туѓата неволја и секогаш бил подготвен да пружи рака, без разлика дали станувало збор за финансиска помош, морална поддршка или едноставно физичко присуство во најтешките моменти за другите.

„Тој не можеше да седи мирен. Чувствуваше одговорност и должност да помогне. Таков беше и во нашето семејство – секогаш гледаше мене и Јана да нѐ стави на пиедестал, а самиот остануваше во позадина“, истакна таа, присетувајќи се на неговата грижа како сопруг и татко.

Херојство кое не изненадува

На прашањето дали некогаш претходно помислила дека токму оваа негова изразена карактерна особина – да ги става другите пред себе – би можела да го чини живот, Наталија искрено призна дека такво нешто никогаш не ѝ паднало на ум. Сепак, познавајќи ја неговата суштина, не била изненадена од начинот на кој постапил.