20 јуни 2026
• од Гоце Кически
Бугарија е меѓу водечките производители на малини во светот и се наоѓа во првата десетка според овој показател, покажуваат податоците на Асоцијацијата на производители на малини и бобинки. Сепак, на домашниот пазар малините и оваа година остануваат луксузен плод, а нивната цена достигна вистински рекорд – над 30 евра за килограм.
Според податоците на бугарското Министерство за земјоделство, во земјата има засадено над 2.250 декари со малини.
За обичниот потрошувач, малината останува луксузна стока, бидејќи по пазарите и маркетите цената за еден килограм достигна неверојатни 32 евра.
Земјоделецот Пенко Ламбрев од градот Кричим веќе три години одгледува англиски сорти малини. Тој е единствениот во регионот кој се занимава со производство на рано овошје од овој тип. Насадите му се во саксии, сместени во шест оранжерии (пластеници), а над најлонот има поставено специјална мрежа за заштита од слана, град и силно сонце.
„Малината е капризна кога станува збор за сончевата светлина и плодовите многу брзо можат да добијат изгореници. Засенчувачката мрежа нè штити од сонцето и спречува појава на изгореници на листовите и плодовите,“ објаснува Ламбрев.
Во процесот му помага и неговата партнерка Нина. Тие објаснуваат дека англиските сорти се специфични – бараат редовно мерење на pH-вредноста на почвата и наводнување дури и по 10 пати на ден.
„Бидејќи станува збор за хидропонско одгледување во кокосов супстрат кој многу брзо се суши, мора да се наводнува на секој час по 5 до 10 минути, во зависност од температурата,“ појаснува Пенко.
Според Нина Шикова, оваа година производителите се соочуваат со сериозен финансиски товар:
Првите плодови започнале да се берат кон крајот на мај, а очекувањата се да се соберат околу 3 тони малини од оранжериите. Продукцијата се бере секој втор ден и ја пласираат самостојно.
„Во моментов откупната, односно берзанската цена на големо е помеѓу 8 и 10 евра. Но, цената на мало по пазарите и малите продавници е два до три пати повисока и изнесува 25-30 евра. Нашата стока главно оди кон морето – за Варна, Бургас и поголемите туристички центри, од каде што се дистрибуира во помалите летувалишта,“ објаснува фармерот.
Крупните англиски малини не се барани од индустријата. Производителите објаснуваат дека за подготовка на слатко, џемови и компоти се претпочитаат поситни и поевтини сорти. Овие рани, сочни малини се исклучиво наменети за директна консумација како свежо овошје.
„Нашите малини се многу убави и големи, но на домаќинките не им се исплати да ги користат за слатко или десерти бидејќи им доаѓаат прескапи. Затоа, чекаат да излезат поевтините, полски малини,“ додава Нина.
Покрај малините, оваа година тие во оранжериите одгледуваат и боровинки. Првите количини ги продале за 15 евра за килограм, но во моментов нивната цена на пазарот паднала на 7 евра.
Скопје конечно добива три јавни тоалети: Локациите се познати, но не и датумот
Ненадминливи Понуди Дневно
4.8 (10276 рецензии)
Заштедете 152.00 ден

