ДРАМА ВО АВТОМОБИЛ: Скопјанка скокнала од возило во движење бегајќи од сопругот, сакал да ја удри со стаклено шише

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДРАМА ВО АВТОМОБИЛ: Скопјанка скокнала од возило во движење бегајќи од сопругот, сакал да ја удри со стаклено шише

21 јуни 2026

• од Темелко Тошев

Основното јавно обвинителство (ОЈО) Скопје поведе постапки против две лица за одделни, тешки инциденти на семејно насилство. За двата случаи побарани се строги мерки на претпазливост со цел заштита на жртвите.

Долгогодишно малтретирање кулминирало со обид за самоубиство на 15-годишно девојче

Во првиот случај, ОЈО Скопје поведе постапка против 56-годишен маж за кривично дело загрозување на сигурноста (член 144 став 3 во врска со став 2 и став 1 од КЗ).

Според информациите од Обвинителството, осомничениот подолг временски период психички и физички ја малтретирал својата сопруга и нивните две деца на возраст од 15 и 18 години. Поради страв од неговото постојано агресивно однесување, жртвите молчеле и не го пријавувале насилството во институциите.

Ситуацијата трагично ескалирала кога 15-годишната ќерка, не можејќи повеќе да ги издржи секојдневните закани, навреди и психолошкиот притисок од својот татко, се обидела да си го одземе животот.

Драма во автомобил: Скопјанка скокнала од возило во движење за да се спаси

Втората постапка се води против 33-годишен скопјанец кој е осомничен за нанесување телесна повреда при вршење семејно насилство (член 130 став 2 во врска со став 1 од КЗ).

Инцидентот се случил на 20 јуни. Додека управувал со автомобилот, осомничениот насилно ја влечел и ѝ се заканувал на својата сопруга, а во еден момент се обидел да ја удри со стаклено шише. Во очајнички обид да се спаси од нападот, жената ја отворила вратата и скокнала од возилото додека тоа било во движење.

Осомничениот веднаш застанал и се обидел со употреба на сила повторно да ја внесе внатре, при што ѝ нанел телесни повреди.

Предложени мерки за заштита на жртвите

Со цел да се гарантира безбедноста на оштетените и да се обезбеди присуството на осомничените во понатамошната постапка, јавниот обвинител до судијата на претходна постапка доставил предлог за определување на повеќе мерки на претпазливост и за двајцата насилници.

Предложениот пакет мерки за двата одвоени случаи вклучува:

Забрана за напуштање на живеалиштето.
Обврска за редовно јавување во судот.
Привремено одземање на патните исправи.
Строга забрана за приближување, воспоставување или одржување контакти (или врски) со оштетените.
Забрана за посетување на локациите каде што се движат жртвите.

Институциите уште еднаш апелираат жртвите на семејно насилство да ги пријавуваат насилниците навреме, пред последиците да станат фатални.