Русија ангажира до 25.000 Севернокорејци за производство на дронови за напади врз Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Русија ангажира до 25.000 Севернокорејци за производство на дронови за напади врз Украина

24 септември 2026

• од Темелко Тошев

Русија ангажира илјадници работници од Северна Кореја во својата индустрија, а до 25.000 од нив наводно се вклучени во производство на дронови што се користат во нападите врз Украина.

Според податоци од тимот за следење на санкциите на Обединетите нации, кон крајот на 2025 година во Русија имало меѓу 15.000 и 30.000 севернокорејски работници. Дел од нив работат во стратешки важни индустрии, меѓу кои и производството на оружје.

Најголемо внимание привлекува специјалната економска зона Алабуга во Татарстан. Според повеќе медиумски истраги, таму може да работат до 25.000 Севернокорејци на производство на руски верзии на иранските дронови „Шахед“. Овие беспилотни летала Русија масовно ги користи за напади врз украинските градови и инфраструктурата.

Ангажирањето севернокорејски работници во странство е ограничено со санкции на Обединетите нации. Сепак, според извештаите, голем број Севернокорејци влегуваат во Русија како студенти или туристи. Во 2025 година Русија издала повеќе од 36.000 визи за севернокорејски државјани, од кои најголемиот дел биле студентски.

Извештаите укажуваат и на тешки услови за работниците. Голем дел од нивните приходи, според меѓународните набљудувачи, ги презема режимот во Пјонгјанг. Севернокорејските работници се под строг надзор, со ограничено движење и контакти со локалното население.

Соработката меѓу Москва и Пјонгјанг значително се продлабочи по почетокот на руската инвазија врз Украина. Северна Кореја испрати војници и оружје за поддршка на Русија, а ангажирањето работници во воената индустрија дополнително може да му помогне на Москва да го зголеми производството на дронови.