Мицкоски се повикува на инфлација од 2,6 отсто, но тоа не значи поевтин живот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски се повикува на инфлација од 2,6 отсто, но тоа не значи поевтин живот

29 септември 2026

• од Гоце Кически

Премиерот Христијан Мицкоски користи точни податоци за инфлацијата и економскиот раст, но тие не ја покажуваат целосната слика за животниот стандард, пишува „Цивил медиа“ во анализа на неговите последни економски изјави.

Според медиумот, годишната инфлација во Македонија во август изнесувала 2,6 проценти, додека во Европската Унија била 3,2 проценти. Европската статистика потврдува дека инфлацијата во ЕУ во август изнесувала 3,2 процентcи.

„Цивил медиа“ посочува дека пониската инфлација не значи и пониски цени. Инфлацијата покажува колку брзо се менуваат цените, а не колкаво е нивното моментално ниво. Затоа, според анализата, побавниот раст на цените не значи дека претходните поскапувања исчезнале.

Медиумот го издвојува и прашањето за приходите. Просечната нето-плата во јули изнесувала 48.499 денари и била за 7,1 процент повисока од истиот месец минатата година. Сепак, „Цивил медиа“ нагласува дека просечната плата не ја покажува финансиската состојба на сите домаќинства, особено на оние со приходи под просекот.

Во анализата се разгледува и растот на БДП од 4,3 проценти во вториот квартал. „Цивил медиа“ оценува дека економскиот раст сам по себе не значи дека приходите на секое семејство пораснале со исто темпо, ниту дека растот веднаш се почувствувал во семејните буџети.

„Бројките се точни. Заклучокот што им се додава бара многу повеќе контекст“, пишува „Цивил медиа“, оценувајќи дека податоците за инфлацијата и БДП треба да се разгледуваат заедно со цените, платите и куповната моќ на граѓаните.