Бугарски пратеник од партијата на Румен Радев: Фактите во случајот со Ива водат кон ослободување

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски пратеник од партијата на Румен Радев: Фактите во случајот со Ива водат кон ослободување

28 септември 2026

• од Гоце Кически

Ива Михаилова има право да добие соодветно лекување без оглед на исходот од судскиот процес против неа, порача бугарскиот пратеник Бојко Младенов од владејачката „Прогресивна Бугарија“, партијата на премиерот Румен Радев, по денешното рочиште во Кочани.

Младенов, кој заедно со други бугарски пратеници го следеше судењето, предупреди дека здравствената состојба на Михаилова не смее да биде оставена во втор план додека трае постапката. Според медицинското вештачење презентирано во случајот, таа има повреди на четвртиот и петтиот пршлен и постои ризик од трајни последици по нејзиното здравје.

Бугарскиот пратеник остро ги оспори и наводите на обвинителството. Според него, фотографиите презентирани пред судот покажуваат дека ударот се случил во сообраќајната лента по која се движела Михаилова. Тој оцени дека фактите што досега биле презентирани одат во прилог на нејзината одбрана и изрази очекување дека постапката ќе заврши со ослободителна пресуда.

Во продолжението на процесот треба да бидат сослушани и вештаците предложени од одбраната, по што судот ќе треба да ги оцени сите докази.

Случајот во меѓувреме доби и силна хуманитарна димензија поради здравствената состојба на Михаилова. Нејзините документи се одземени по сообраќајната несреќа, поради што таа не може да замине на потребното лекување во Бугарија. Претходно беше одбиено барањето да ѝ се овозможи такво лекување, и покрај медицинската документација за сериозноста на повредите и потребниот третман.

Младенов нагласи дека прашањето за здравјето треба да биде одвоено од прашањето за кривичната одговорност.

„Без оглед на тоа како ќе заврши случајот, Ива Михаилова има право да биде лекувана“, порача тој.