Денеска 2 септември 2026 година се празнува Светиот апостол Тадеј: Донесе исцеление и вера во Едеса

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 2 септември 2026 година се празнува Светиот апостол Тадеј: Донесе исцеление и вера во Едеса

02 септември 2026

• од Темелко Тошев

Православните верници денеска го одбележуваат споменот на Светиот апостол Тадеј, еден од седумдесетте помали апостоли кои биле испратени од Господ Исус Христос да го проповедаат Евангелието.

Според преданието, Свети Тадеј не треба да се меша со истоимениот апостол од Дванаесеттемината. Неговиот духовен пат започнал кога го видел и слушнал свети Јован Крстител, од кого примил крштевање. Набрзо потоа, го видел Исус Христос и одлучил да Го следи. Самиот Господ го вброил меѓу седумдесетте апостоли кои ги испраќал „двајца по двајца пред лицето Свое“.

Чудото во Едеса и исцелувањето на кнезот Авгар

По славното Воскресение и Вознесение Христово, Господ го испратил апостолот Тадеј во неговото родно место, Едеса. Ова било исполнување на ветувањето дадено на тамошниот кнез Авгар. Имено, кнезот претходно добил крпа со ликот Христов преку која речиси целосно се излекувал од лепрата, но сепак мал дел од болеста му останал на лицето.

Кога свети Тадеј пристигнал, Авгар го примил со огромна радост. Апостолот го поучил во верата и го крстил, а во моментот кога кнезот излегувал од водата на Крштението, и последниот остаток од лепрата исчезнал – тој станал потполно здрав човек.

Скромноста на апостолот и ширењето на верата

Восхитен од чудото и од силата на вистинскиот Бог, кнезот Авгар ги повикал сите граѓани на Едеса да ја слушнат проповедта на апостол Тадеј. Гледајќи го својот кнез чудесно исцелен и слушајќи ги зборовите за Христа, луѓето ги отфрлиле идолите, го оставиле нечистиот живот и ја прифатиле христијанската вера.

Во знак на благодарност, кнезот Авгар му понудил на апостолот огромно количество злато. Но, свети Тадеј ја покажал својата вистинска апостолска скромност одбивајќи го подарокот со зборовите: „Кога своето го оставивме, како да го примаме туѓото?“

Светиот апостол Тадеј го продолжил својот пат проповедајќи го Евангелието ширум Сирија и Феникија. Својот овоземен живот го завршил и се упокоил во Господа во финикискиот град Вирит (денешен Бејрут).