Мојсоска до Јаневска: Барате наталитет во држава со најниска минимална плата и загрозена безбедност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мојсоска до Јаневска: Барате наталитет во држава со најниска минимална плата и загрозена безбедност

02 септември 2026

• од Темелко Тошев

Пратеничката од редовите на политичката партија Левица, Јована Мојсоска, упати остри критики до министерката за образование и наука, Весна Јаневска, по нејзината контроверзна изјава на првиот училишен ден во која им порача на првачињата да побараат од своите родители „братче или сестриче“ за да не се затвораат училиштата.

Мојсоска преку социјалните мрежи жестоко реагираше на ваквиот настап на министерката, оценувајќи го како крајно лицемерен и откинат од реалноста со која секојдневно се соочуваат македонските граѓани. Таа посочи дека ваквите барања упатени кон шестгодишни деца игнорираат низа суштински егзистенцијални, социјални и безбедносни проблеми.

„Додека доцни породилниот надоместок и нема места во градинките, Јаневска им вели на првачињата да бараат 'братче и сестриче'. Јаневска им го порача ова во држава со најниска минимална плата во Европа и каде родителите треба да се плашат да ги пуштат децата во дискотека“, истакна Мојсоска во својата реакција.

Од партијата Левица, надоврзувајќи се на ставот на нивната пратеничка, додадоа дека актуелната власт предводена од ДПМНЕ нема право да држи лекции за наталитетот, бидејќи, според нив, токму нивните политики придонеле за масовното иселување.

„ДПМНЕ деновиве сè погласно зборува за ‘демографската катастрофа’, наталитетот и ‘погрешните вредности’ на младите. Причината е едноставна – бројките веќе не можат да се сокријат. На почетокот на новата учебна година Македонија има околу 3.000 првачиња помалку од минатата година. Не е проблемот што народот не раѓа, туку што младите си заминуваат, а Јаневска им вели на шестгодишни деца да ја решаваат демографската криза во која тие ја доведоа Македонија“, стои во реакцијата на партијата.

Изјавата на министерката Јаневска, дадена за време на посетата на основното училиште „Ацо Шопов“ во скопската општина Бутел, предизвика вистинска бура во јавноста. Иако нејзината намера, како што самата посочи, била да укаже на проблемот со привремено затворените училишта поради недостиг на ученици, голем дел од јавноста и опозицијата го протолкуваа нејзиниот говор како невкусно префрлање на вината.

Критичарите потсетуваат дека одлуката за проширување на семејството не се носи врз основа на желбите на децата, туку директно зависи од економскиот стандард, висината на платите, функционалноста на здравствениот систем и општата безбедност во државата – полиња на кои институциите потфрлаат со години.