Во Македонија дури 40% од семејните трошоци одат само за храна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Во Македонија дури 40% од семејните трошоци одат само за храна

03 септември 2026

• од Темелко Тошев

Според најновите податоци на Евростат, граѓаните на Македонија трошат убедливо најголем дел од својот домашен буџет за основна егзистенција, односно за храна. Овие бројки јасно ја отсликуваат економската реалност и притисокот врз стандардот на македонските семејства во споредба со европските држави.

Податоците покажуваат дека во јануари 2026 година, во Европската Унија (ЕУ), 46 отсто од вкупната потрошувачка на домаќинствата отпаѓа на три главни категории: храна и безалкохолни пијалаци, домување (вклучително вода и енергија) и транспорт. Секоја од овие категории бележи значителен скок на цените во текот на изминатите неколку години.

Храната е најголем товар за домашниот буџет

Во Европската Унија, храната е убедливо најголемиот трошок и во просек сочинува 16,28 отсто од сите трошоци на домаќинствата. На второ место во ЕУ се трошоците за домување, вода и енергија со 14,87 отсто, додека транспортот е на трето место со 12,25 отсто.

Но, кога ќе се споредат издвојувањата за храна низ различните европски земји, се забележуваат драстични разлики кои го рефлектираат животниот стандард.

Македонија и регионот на дното според стандардот

Македонија има убедливо највисок процент на трошоци за храна. Во нашата земја, дури 40,11 отсто од вкупните трошоци на семејствата одат исклучиво за прехрана, што остава многу мал простор за останатите животни потреби, образование или заштеди.

Веднаш по Македонија, во регионот следуваат Албанија и Косово. Од друга страна, граѓаните на најбогатите европски земји издвојуваат најмал процент од својот буџет за оваа намена.

Земја	Дел од буџетот наменет за храна
Македонија	40,11%
Албанија	34,46%
Косово	32,75%
Романија (најлоша во ЕУ)	27,41%
ЕУ (просек)	16,28%
Луксембург	12,21%
Австрија	11,84%
Швајцарија	10,35%