Денеска 10 август се празнуваат Светите апостоли Прохор, Никанор, Тимон и Пармен: Маченици и служители на првата црква

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 10 август се празнуваат Светите апостоли Прохор, Никанор, Тимон и Пармен: Маченици и служители на првата црква

10 август 2026

• од Темелко Тошев

Православната црква и нејзините верници денеска го одбележуваат споменот на Светите апостоли Прохор, Никанор, Тимон и Пармен, четворица од седумте ѓакони на првата, Ерусалимска црква.

За разлика од светите ѓакони Стефан и Филип, кои имаат посебни денови за празнување во православниот календар, овие четворица апостоли се чествуваат заедно на денешен ден. Интересен е податокот што седмиот од првичните ѓакони, Николај, не е вбројан во редот на светителите бидејќи западнал во груба ерес.

Житијата на овие светители сведочат за нивната силна вера, пожртвуваност и маченички крај во името на христијанството:

Свети Прохор му бил верен сопатник на свети Јован Богослов на островот Патмос, каде што токму тој го запишал познатото Откровение. Подоцна бил назначен за епископ и ја управувал црквата во Никомидија, пред да пострада маченички од рацете на паганите.
Свети Никанор го завршил својот живот трагично уште во раните денови на црквата, убиен од Јудејците за време на првиот голем прогон на христијаните во Ерусалим.
Свети Тимон станал епископ во арапски град, но исто така маченички пострадал поради својата вера, завршувајќи распнат на крст.
Свети Пармен, за разлика од останатите, се упокоил мирно и природно, пред очите на самите апостоли.

Од католичкиот календар: Денеска е Св. Ловро

Католичките верници денеска го празнуваат Свети Ловро, еден од најпознатите ѓакони во Римската црква. Тој претрпел страшни мачења за време на прогонствата на царот Валеријан, само четири дена по погубувањето на папата Сиксто Втори и уште четворица римски ѓакони. Неговиот гроб денес се наоѓа на улицата Тибуртина, во Веранското поле во Рим. Во негова чест, и покрај неговиот гроб, царот Константин Велики изградил величествена базилика.