Љупчо Зиков: Народот им вели „фак оф“ на партиите, не ги интересира ниту ВМРО, ниту СДСМ!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љупчо Зиков: Народот им вели „фак оф“ на партиите, не ги интересира ниту ВМРО, ниту СДСМ!

03 септември 2026

• од Темелко Тошев

Светот повеќе нема граници, а младите и работливи луѓе бираат каде ќе живеат врз основа на квалитетот на живот, целосно игнорирајќи ја домашната политичка сцена. Ова го истакна новинарот и аналитичар Љупчо Зиков, кој испрати остри критики до политичките елити и нивната понуда кон граѓаните.

Зборувајќи за глобализацијата и секојдневните можности за работа на далечина, Зиков посочи конкретни примери на Македонци кои веќе ја напуштиле државата барајќи подобар живот.

„Луѓе, немаме ние граници веќе во светот. Луѓето работат на компјутер од каде што сакаат. Еве, има две деца од Скопје кои живеат на Бали веќе три години. Таму веќе има голема заедница од Балканот – Срби, Хрвати, Босанци... Човекот живее таму каде што му е убаво и си работи оттаму“, истакна Зиков.

Според него, овој тренд е директен одговор на политичката апатија во Македонија. Граѓаните се презаситени од партиските препукувања и веќе не се врзуваат за ниту една политичка опција.

„Извинете на терминот, но народот им вели 'фак оф'. Разбираш? Значи, не ги интересира ниту ВМРО, ниту СДСМ. Ова е времето во кое ние живееме. Некој ќе рече дека претерувам, но не – ова што го зборувам сега, ќе биде уште подраматично за три до пет години, по уште еден мандат на некоја влада. Во 2030 година ќе треба да разговараме околу иднината и опстанокот на државата“, предупреди тој.

На прашањето дали актуелната Влада има некакви силни проекти со кои би излегла пред граѓаните доколку утре се одржат избори, Зиков е дециден дека резултати на терен нема.

„Не гледам такви проекти со кои би излегле пред народот, па дури ни тоа што го заговараат во делот на енергетиката“, заклучи Зиков.