Градскиот воз заглави пред Лисиче: Патниците 40 минути блокирани на пругата поради прекин на струјата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Градскиот воз заглави пред Лисиче: Патниците 40 минути блокирани на пругата поради прекин на струјата

03 септември 2026

• од Темелко Тошев

Синоќа, градскиот воз што сообраќа на релација Зелениково - Скопје се соочи со сериозни проблеми, откако поради прекин во напојувањето со електрична енергија остана блокиран пред железничката станица во населбата Лисиче.

Возот, кој според возниот ред тргнал во 20:12 часот од Зелениково, ненадејно останал без напон и бил целосно онеспособен за движење – ниту напред, ниту назад. Околу половина час композицијата стоела блокирана на пругата.

Патниците кои се нашле внатре сведочат за непријатното искуство, посочувајќи дека немале можност безбедно да го напуштат возот. Тој застанал на непристапен терен кој бил премногу оддалечен од најблиските станици, оставајќи ги граѓаните да чекаат внатре додека не се реши дефектот.

Откако доводот на струја постепено почнал да се нормализира, возот конечно тргнал, но се движел забавено. Наместо вообичаените 25 минути колку што редовно трае ова патување до главниот град, загрижените патници пристигнале на својата крајна дестинација со задоцнување од дури 40 минути.

Ова е еден од првите поголеми застои поврзани со градскиот воз, кој предизвика бурни реакции и незадоволство кај патниците кои го користат овој тип на јавен превоз.