Љупчо Зиков: Државата нема пари, 80% од буџетот оди за јавна администрација и социјала!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љупчо Зиков: Државата нема пари, 80% од буџетот оди за јавна администрација и социјала!

03 септември 2026

• од Гоце Кически

Економскиот аналитичар и новинар Љупчо Зиков упати остра критика за начинот на кој се трошат државните пари, предупредувајќи дека македонската економија е во сериозна опасност поради преголемите непродуктивни трошоци и негрижата за приватниот сектор. Според него, огромниот државен апарат и социјалните трансфери го „јадат“ речиси целиот буџет, оставајќи ја државната каса празна за вистински развој.

Во својата најнова изјава, Зиков ја посочи поразителната математика на државната каса, која сега изнесува околу шест милијарди евра.

„Осумдесет отсто од буџетот на Македонија е за платена јавна администрација и социјални трансфери, односно социјална помош. Го тргам пензискиот фонд, тој како демек посебен го водат, меѓутоа и тој се дотира од буџетот на државата секогаш, така што и тој влегува внатре. Значи, од шест милијарди, 80 отсто ви се 4,8 милијарди евра“, дециден е Зиков.

Со ваквата распределба на средствата, тој нагласува дека просторот за капитален развој е сведен на минимум. На располагање остануваат само околу 1,2 милијарди евра за инвестиции и економски раст, но реалноста е уште полоша бидејќи од тие пари мора да се сервисираат и старите задолжувања.

„Така на вас за проширена репродукција, за инвестиции, за раст, ви останува 1,2 милијарди. Е сега, ставете дека од тие пари вие треба да вратите и некој долг што сте го земале претходно. Значи, вие сте, како што викаат на чаршијата – тингл“, додава тој.

Главната причина за ваквата лоша финансиска состојба, според Зиков, е целосното игнорирање на стопанството, кое е вистинскиот мотор на економијата и полнач на буџетот.

„Државата нема пари заради тоа што ние постојано фирмите и приватниот сектор ги држиме на бандаж долу. Во оваа држава никој не зборува за приватниот сектор. Си ја сечеме гранката на која седиме“, предупредува Зиков.

Оваа изјава повторно го отвора клучното прашање во македонската јавност: до кога државата ќе се потпира на гломазна администрација и нови задолжувања, додека бизнис секторот, кој треба да ја влече економијата напред, е оставен на маргините?