07 мај 2026
• од Тодор Вангелов
Претседателката на Бугарија, Илијана Јотова, му го врачи првиот истражувачки мандат за состав на влада на кандидатот за премиер Румен Радев. Лидерот на „Прогресивна Бугарија“ ја прими папката и веднаш го врати мандатот исполнет, претставувајќи ја структурата на идниот Министерски совет и имињата на кандидатите за министри.
Според предложениот состав, Румен Радев треба да биде премиер, додека меѓу вицепремиерите се Гулаб Донев, Александар Пулев, Атанас Пеканов и Иво Христов Петров. Донев е предложен и за министер за финансии, а Пулев за министер за економија, инвестиции и индустрија.
Во обраќањето во Гербовата сала, Јотова истакна дека граѓаните очекуваат стабилно и ефикасно управување, како и брзи решенија за буџетот, социјалните исплати, економијата, енергетиката и надворешнополитичките предизвици. Таа нагласи дека од новата влада ќе зависи враќањето на довербата во институциите.
Радев, пак, порача дека граѓаните ставиле крај на политичката криза и дека изборните резултати дале мандат за стабилни институции, слобода, демократија и правда. Како прв приоритет го посочи запирањето на галопирачките цени, а најави и работа на избор на нов Висок судски совет и инспекторат.
Тој додаде дека има отворени прашања околу буџетот и т.н. скриен дефицит, како и дека кабинетот ќе работи за да не бидат загубени средствата од Планот за закрепнување и отпорност. Радев увери дека, и покрај краткиот временски рок, новиот тим веќе подготвува политики со долгорочен хоризонт за модерно и забрзано развивање на земјата.
Кузеска: Европа не сака да прими организирана криминална група во својот систем
Ненадминливи Понуди Дневно
4.8 (10276 рецензии)
Заштедете 152.00 ден

