Прогресивна Бугарија го потврди Румен Радев како кандидат за премиер, цел

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Прогресивна Бугарија го потврди Румен Радев како кандидат за премиер, цел – влада до крајот на неделата

03 мај 2026

• од Тодор Вангелов

Започна одбројувањето до врачувањето на првиот мандат за состав на нова влада, откако од „Прогресивна Бугарија“ официјално потврдија дека Румен Радев ќе биде нивниот кандидат за премиер. Според најавите, токму тој ќе го прими мандатот од претседателката Илијана Јотова.

Од коалицијата информираа дека роковите за формирање влада ќе ѝ бидат соопштени на претседателката во вторник, за време на консултациите. Планот предвидува во четврток да биде врачувањето на мандатот, при што ќе биде доставен и целосно подготвен состав на владата. Амбицијата е до крајот на неделата да биде изгласана редовна влада, а веќе во петок да се одржи свечената заклетва и примопредавањето на власта.

По конституирањето на владата, фокусот ќе се префрли кон законодавната работа во Народното собрание. Прв приоритет ќе биде буџетот за 2026 година. Од „Прогресивна Бугарија“ велат дека план-сметката е речиси готова и во голема мера се темели на буџетот за 2025 година, подготвен од коалицијата ГЕРБ–БСП, ИТН со поддршка на ДПС.

„Роковите се јасни. Оваа недела се стремиме да составиме влада. Веднаш потоа се фаќаме за буџетот, кој е итен, како и за законите поврзани со судската реформа“, изјави Антон Кутев. Тој нагласи дека дел од реформските закони може да започнат веднаш, иако ќе бараат внимателна подготовка. Кутев додаде дека не очекува претставници од техничката влада да бидат дел од новиот кабинет, но конечната одлука ќе ја донесе Радев.

Од друга страна, Божидар Божанов истакна дека клучен приоритет ќе бидат економските мерки, особено во контекст на растечките цени, инфлацијата и последиците од војната во Иран. „Потребни се разумни и ефикасни мерки, а економските тимови веќе работат на нив. Исто така, важно е концентрацијата на власт да не доведе до нови центри на влијание, туку да се почитува мандатот даден од граѓаните“, изјави тој.

Доколку се реализира најавениот план, Бугарија би можела да добие нова влада во рекордно краток рок, што, според политичките аналитичари, претставува значаен пресврт во актуелната политичка динамика.