Кузеска: Власта создава страв за ЕУ за да ги прикрие економските проблеми и неисполнетите ветувања

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кузеска: Власта создава страв за ЕУ за да ги прикрие економските проблеми и неисполнетите ветувања

07 мај 2026

• од Гоце Кически

Портпаролката на СДСМ и членка на Извршниот одбор, Богданка Кузеска, во гостување во емисијата „24 Анализа“ упати остри критики кон актуелната власт, обвинувајќи ја за неспособност, лажни ветувања, нови задолжувања и целосна отуѓеност од реалните проблеми на граѓаните.

Кузеска истакна дека власта, според неа, намерно создава страв и неизвесност околу евроинтегративниот процес, со цел да го дефокусира вниманието на јавноста од економските предизвици и секојдневните проблеми со кои се соочуваат граѓаните.

„ВМРО постојано создава терен и атмосфера за луѓето да поверуваат дека преговорите со ЕУ се тешки, дека внесувањето на Бугарите и други малцинства во Уставот ќе биде поразително или невозможно. Вистината е дека буџетот е празен, нема веќе пари, има 700 милиони нов долг којшто за три месеци е направен. Значи, станува збор за нов долг, нема пари за тендери, рејтингот му паѓа“, изјави Кузеска.

Таа оцени дека власта не исполнила ниту едно од клучните ветувања со кои дошла на власт, обвинувајќи го премиерот Христијан Мицкоски за, како што рече, повлекување од претходно дадени политички ветувања.

„Мицкоски има сериозен проблем, со оглед на неговата историја на лажење. Слушавме како ќе го враќаат името, како ќе го поништат Преспанскиот договор, како ќе издејствуваат нова преговарачка рамка. Еве, од тие ветувања нема ништо исполнето. Дури гледаме и дека ретерираат и ги избегнуваат тие прашања. Дури велат дека никогаш и не го рекле тоа“, посочи Кузеска.

Осврнувајќи се на европските интеграции, таа нагласи дека Македонија веќе има обезбедена преговарачка рамка со, како што рече, заштитен македонски јазик и идентитет, но дека Владата свесно создава нови поделби и политички тензии.

„Ние имаме преговарачка рамка со заштитен македонски јазик, со заштитен македонски идентитет и за тоа ниту Бугарија не може да прави проблем. Колку време се кажуваше дека ќе станеме Бугари, а сега треба да слушаме дека нè спасуваат од Бугарија луѓе од кои пола влада се со бугарски пасоши. Тоа е врв на политичка несериозност“, изјави таа.

Во делот на економијата, Кузеска оцени дека граѓаните живеат сè потешко, додека власта, според неа, преку статистички показатели се обидува да прикаже нереална слика за економски напредок.

„Според овие бројки и сè ова што го кажува ВМРО, само тие се чувствуваат богати во државата. Власта зборува за ‘најевтина нафта’, но избегнува да каже во однос на какви плати. Граѓаните можеби купуваат поевтина нафта, ама нафта не пијат, народски кажано. Кажуваат ‘трета економија’, а некој што сега нè гледа отвора во новчаникот и вика: ‘Јас имам уште 200 денари, а не е ни пола месец’. Како ќе му кажете нему дека има пари?“, рече Кузеска.

Таа додаде дека економијата и животниот стандард остануваат теми на кои, според неа, власта не успева да ја убеди јавноста, бидејќи граѓаните, како што истакна, секојдневно ја чувствуваат реалната финансиска состојба.