Заглавени во просечност: Матурантите со послаб успех, Власта не гледа проблем

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Заглавени во просечност: Матурантите со послаб успех, Власта не гледа проблем

06 август 2026

• од Темелко Тошев

Уште една година, уште една потврда за стагнацијата и просечноста во македонскиот образовен систем. Најновите резултати од државната матура за јунската испитна сесија покажуваат просечна оценка од 3,66 за сите три типа матура – резултат кој јасно говори дека знаењето на средношколците останува заглавено во зоната на медиокритетот.

Наместо загриженост за ваквиот „едвај многу добар“ просек, Министерството за образование и наука (МОН) и Државниот испитен центар се чини дека се помирени со оваа реалност. Министерката за образование и наука, Весна Јаневска, на денешната прес-конференција без задршка изјави дека е „задоволна“ од постигнатиот просек, само затоа што бил „речиси на исто ниво со минатогодишниот“.

Но, вистината што се крие зад ова „речиси на исто ниво“ е дека всушност имаме пад. Минатата 2025 година просекот изнесувал 3,69, што значи дека годинава знаењето на матурантите е дополнително влошено. Наместо системски напредок, ние славиме уназадување или, во најдобар случај, тапкање во место. Оправдувањата дека резултатите се „објективни“ само ја потврдуваат горката вистина – објективно, нашиот образовен систем продуцира ученици со просечни и недоволни знаења.

Годинава, за првпат беа воведени три типа матурски испити (државна, државна стручна и државна уметничка матура), експеримент кој очигледно не донесе никаков квалитативен скок. Најпоразителен е просекот кај државната уметничка матура кој изнесува 3,59, додека кај општата државна матура е 3,62. Единствено стручната матура бележи нешто повисок просек од 3,91.

Дополнителен показател за демотивираноста кај младите е фактот што од вкупно 14.587 пријавени ученици, дури 348 воопшто не се појавиле на полагањето, што претставува речиси 2,4 проценти од вкупниот број матуранти.

Додека светот граби напред со иновации и висококвалитетно образование, македонските институции аплаудираат на тројки и четворки, нарекувајќи ги „успех“. Ако надлежните се задоволни со овие резултати, се поставува прашањето – има ли воопшто надеж дека некогаш ќе се стремиме кон одличност или просечноста трајно ќе остане нашиот највисок дострел?