Алармантен демографски тренд: Бројот на првачиња во Македонија намален за речиси 5.000 во однос на лани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алармантен демографски тренд: Бројот на првачиња во Македонија намален за речиси 5.000 во однос на лани

06 август 2026

• од Темелко Тошев

поред министерката за образование и наука, Весна Јаневска, дури и по завршувањето на сите уписи, земјава ќе остане со најмалку 3.000 првачиња помалку од минатата година – тренд што се очекува да продолжи.

Бројот на запишани првачиња во основните училишта ширум Македонија бележи драстичен пад. Според најновите податоци, годинава има околу 4.900 првачиња помалку во споредба со минатата година, алармираше денеска министерката за образование и наука, Весна Јаневска. Иако процесот на уписи сè уште не е целосно завршен, бројките јасно укажуваат на поразителна демографска слика.

Празни училишни клупи: Очекувањата се песимистички и за в година

Според министерката Јаневска, иако дел од децата сè уште не се пријавени и конечната бројка на запишани ученици допрва ќе се сумира, разликата во однос на минатата година ќе остане огромна.

„Бројката во основните училишта е значително намалена и се ближи до над 4.000 деца помалку од лани. Се надевам дека оваа страшно голема бројка во однос на демографијата малку ќе опадне откако ќе завршат сите уписи. Жал ми е што го кажувам тој факт, кој го има објавено и Статистика – имаме околу 4.900 првачиња помалку оваа година отколку лани. Колку и дополнително да се запишат, ќе бидеме со најмалку 3.000 првачиња помалку“, изјави Јаневска.

Таа додаде дека ваквиот негативен тренд се очекува да продолжи и следната година, што го оцени како „поразително за оваа земја“.

Намалување на бројот на ученици во сите образовни степени

Демографскиот пад не се чувствува само во основните училишта. Сè помалиот број на основци и средношколци директно се одразува и на бројот на студенти, каде што исто така се бележи намалување. Кај средношколците постои надолен тренд, но според Министерството, таму разликата засега не е толку драстична. Бидејќи во тек е третиот уписен рок во август, конечните бројки за средното образование сè уште не се дефинитивни.

МОН: Правиме сè за да ги задржиме младите во земјата

Овој предизвик претставува сериозна загриженост за Владата. Од Министерството за образование и наука посочуваат дека континуирано се прават напори за подобрување на условите, со цел да се спречи иселувањето и да се задржат семејствата.

„За Владата ова е загрижувачки елемент и постојано велиме дека треба да обрнеме особено внимание. Ние како МОН правиме сè за да ги подобриме условите за да ги задржиме во земјата“, децидна е Јаневска.

Овие податоци претставуваат уште еден силен аларм за потребата од итни стратешки и системски мерки за справување со иселувањето и белата чума во државата.