Левица: Владата за 71 ден се задолжила 333 милиони евра, бара целосна транспарентност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Владата за 71 ден се задолжила 333 милиони евра, бара целосна транспарентност

06 август 2026

• од Тодор Вангелов

Левица обвини дека Владата предводена од премиерот Христијан Мицкоски за 71 ден презела нови задолжувања во вкупна вредност од 333 милиони евра и оцени дека државата станува сè позависна од кредити.

Според партијата, во наведениот период биле одобрени 260 милиони евра задолжување кај странски банки, заем од 25 милиони евра од Светска банка, биле повлечени седум милиони евра од М-НАВ за ликвидност на ЈП за државни патишта, а на домашниот пазар биле издадени државни обврзници во вредност од над 41 милион евра.

Левица тврди дека вкупните кредитни операции во изминатите две години надминале три милијарди евра и посочува дека јавниот долг пораснал од 8,87 милијарди на околу 10,73 милијарди евра.

Партијата наведува и дека годинава за камати се предвидени исплати од 346 милиони евра, оценувајќи дека тие средства можеле да бидат насочени кон инвестиции во образованието, здравството и друга јавна инфраструктура.

Во соопштението, Левица бара Владата да објави единствен и целосно проверлив регистар на сите задолжувања, обврзници, гаранции и заеми, со податоци за износот, каматата, роковите, провизиите, конечната цена и намената на средствата. Партијата бара и објавување на договорите кои, како што тврди, сè уште не се јавно достапни.