македонија09 февруари 2025 Киднапиран скопјанец успеал да избега, мотивот за киднапирањето е нерасчистен долг од 20.000 денари
Во 15.10 во скопската населба Ѓорче Петров, полициски службеници го уапсија Т.Ј. (56). Осомничен е за напад и киднапирање на скопјанецот М.Б. (51).
Според податоците, во 01.30 часот, тој со сатар се упатил кон домот на М.Б., насилно ја турнал вратата, влегол внатре и физички го нападнал М.Б. којшто спиел. Тој го принудил да се облече и го однел во неговиот дом каде што го заклучил и каде продолжил да му упатува закани по живот. Се смета дека мотивот е барање да му се врати долгот од 8.000 денари и телефон вреден 12.000 денари
Околу 5.30 часот, сторителот заспал, а М.Б. да го украде клучот и да избега. Настанот го пријавил во полициска станица. Јавен обвинител од Основното јавно обвинителство Скопје донесе Наредба за спроведување истражна постапка против лицето за кривично дело – Грабнување според член 141 став 2 во врска со став 1 од Кривичниот законик.