Османи од Брисел: Охридскиот договор и двојазичноста во Северна Македонија не се тема за преговори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Османи од Брисел: Охридскиот договор и двојазичноста во Северна Македонија не се тема за преговори

05 мај 2026

• од Димитар Стојановски

Бујар Османи ја продолжи дводневната посета на Брисел со низа средби со претставници на европските институции и со европратеници ангажирани во политиките на Европската Унија поврзани со проширувањето и Западен Балкан.

Во рамки на вториот ден од посетата, Османи оствари средби со претставници од кабинетот на еврокомесарката за проширување Марта Кос, меѓу кои и Андреа Вихер-Вејт, како и со европратениците Владимир Пребилич, Тијс Ројтен и Матјаж Немец.

Според објавите на социјалните мрежи, во фокусот на разговорите биле европската интеграција на Северна Македонија, регионалните предизвици, како и улогата на Европската Унија во Западен Балкан. Посебен акцент бил ставен на потребата од поголемо внимание и поактивен ангажман од европските институции во однос на процесите што се однесуваат на земјата и регионот.

Османи посочил и на, како што се наведува во објавата, кризата поврзана со „разградувањето на Охридскиот мировен договор“, како и на динамиката на процесот на членство во Европската Унија. Во тој контекст била нагласена улогата на ДУИ како, според објавата, „кредибилен и конструктивен партнер“, со континуиран ангажман за унапредување на европската агенда и зачувување на стратешката ориентација на државата.

„Пораката е јасна: Северна Македонија има поддршка во Брисел, но напредокот зависи од внатрешната политичка волја и јасното лидерство“, се наведува во објавата.

За време на посетата во Брисел, Османи остварил и посебна средба со Ибрахим Донмез, пратеник во Парламентот на Брисел, Албанец со потекло од Битола.

Османи истакнал дека со Донмез ги поврзуваат професијата хирург и политичкиот ангажман, но пред сè, како што навел, заедничкото уверување дека двојазичноста — и во Белгија и во Северна Македонија — не е тема за преговори.