СДСМ: На Мицкоски му се брза за избори поради страв од истраги и одговорност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: На Мицкоски му се брза за избори поради страв од истраги и одговорност

06 мај 2026

• од Гоце Кически

СДСМ обвини дека премиерот Христијан Мицкоски има сè поголем мотив да оди на предвремени парламентарни избори, тврдејќи дека тоа е поврзано со, како што велат од партијата, страв од можни истраги и одговорност за бизнис-релации во регионот.

На прес-конференција, генералниот секретар на СДСМ, Александар Саша Димитријевиќ, изјави дека се потврдуваат предупредувањата на опозициската партија дека „на Мицкоски му се брза за предвремени избори“.

„Со падот на неговиот пријател Виктор Орбан, почнува распадот на криминалната мрежа што со години ја градеа во регионот“, рече Димитријевиќ, додавајќи дека во Унгарија се најавувале истраги кои, според СДСМ, би можеле да стигнат до Мицкоски и до српскиот претседател Александар Вучиќ.

Од СДСМ тврдат дека под лупа ќе се најдат „медиумски мрежи, сомнителни зделки, тендери, телекомуникациски и енергетски бизниси“ поврзани со Орбан, како и, како што ги нарекоа, „братски бизнис шеми“ во регионот.

Димитријевиќ оцени дека токму стравот од истраги и одговорност е дополнителна причина власта да размислува за избори. Според него, кога „ќе снема пари за тендери и за полнење џебови“, ВМРО-ДПМНЕ почнува подготовки за избори.

Во обраќањето, СДСМ ја критикуваше Владата дека по две години власт нема исполнето ниту едно клучно ветување. Од партијата посочуваат дека Мицкоски ветувал враќање на името, поништување на Преспанскиот договор, повисоки плати и пензии, како и економски развој, но дека, според нив, реалноста е спротивна.

„Реалноста граѓаните ја гледаат со празните фрижидери и празните џебови“, рече Димитријевиќ.

Од СДСМ обвинуваат дека нема минимална плата од 600 евра, нема мерки за заштита на животниот стандард, инвестициите се намалени, а бројот на работници во индустријата опаѓа. Партијата тврди и дека буџетот е во лоша состојба и дека власта создала нов долг од 2,3 милијарди евра.

Опозициската партија оцени дека политиките на Мицкоски „целосно потфрлиле“, а неговата коалиција се соочува со внатрешни проблеми. Според Димитријевиќ, кога власта нема резултати, прибегнува кон напади врз опозицијата и создавање тензии.

„Затоа повторно ја почна старата кампања ‘предавници’ и создавање вештачки конфликт со Бугарија“, порача генералниот секретар на СДСМ.

Во завршницата на прес-конференцијата, СДСМ обвини дека „лажниот патриотизам не полни фрижидери и паричници“ и дека не носи повисоки плати, подобар живот, европски фондови или перспектива за младите.

Од партијата порачаа дека се подготвени „да ја вратат државата на вистинскиот пат“ и најавија, како што рекоа, „време на вистина, правда и одговорност“.