09 мај 2026
• од Темелко Тошев
Со воени почести, полагање венци и свечено подигање на европското знаме, Бугарија денеска ја одбележа 81-годишнината од крајот на Втората светска војна и Денот на Европа. Државниот врв испрати пораки за единство, потсетувајќи на жртвата на бугарските војници во борбата против нацизмот.
Централната церемонија започна пред Споменикот на незнајниот воин во Софија, каде што потпретседателката на Бугарија, Илијана Јотова, заедно со премиерот Румен Радев и министерот за одбрана Димитар Стојанов, положија венци и цвеќе во чест на загинатите бугарски воини.
„На овој ден го одбележуваме Денот на победата – крајот на најголемата трагедија во човечката историја. Денес го славиме и сонот на основачите за просперитетна и мирна Европа,“ истакна Јотова.
Таа нагласи дека во време на актуелни глобални конфликти, најголемата обврска кон идните генерации е зачувувањето на мирот.
Премиерот Румен Радев го опиша 9 мај како ден на поклонение пред сите кои ги дадоа своите животи за слободата на Европа. Тој се осврна и на актуелната безбедносна ситуација, посочувајќи дека дипломатските напори, вклучително и превентивните чекори на американскиот претседател Доналд Трамп, помогнале да се спречи ескалација меѓу Русија и Украина.
„Знам дека во моментов сè е мирно и тоа е многу важен знак,“ изјави Радев, изразувајќи надеж дека стабилноста ќе се задржи преку понатамошен дијалог.
По повод Денот на Европа, пред претседателската институција свечено беше подигнато знамето на Европската Унија. Потпретседателката Јотова го прими почесниот строј на Националната гарда, во присуство на:
Министерството за надворешни работи, претставено од министерката Велислава Петрова-Чамова, порача дека 9 мај е симбол на единството и солидарноста.
Од министерството потенцираа дека по 19 години членство, Бугарија е подготвена да биде уште поактивен партнер во градењето на силна и безбедна Европа, цврсто заснована на демократијата и владеењето на правото.
Кошта до Македонците: Ве чекаме во ЕУ, време е да се впишат Бугарите во Уставот
Ненадминливи Понуди Дневно
4.8 (10276 рецензии)
Заштедете 152.00 ден

