09 мај 2026
• од Темелко Тошев
Претседателот на СДСМ, Венко Филипче, упати остри критики до актуелната власт по повод 9 Мај – Денот на Европа. Тој ја обвини владата предводена од ВМРО-ДПМНЕ дека свесно ја држи државата во изолација и ја пропушта шансата за реален напредок во евроинтеграциите.
Филипче направи споредба меѓу темпото на Македонија и она на земјите од регионот, потенцирајќи го примерот на Црна Гора како модел за успех.
„На Денот на Европа можевме да имаме многу повеќе причини да славиме. Погледнете ја Црна Гора – тие водат напред, ги затвораат поглавијата и веќе догодина ќе станат членка на ЕУ. За жал, кај нас на чело е структура предводена од Христијан Мицкоски која сака земјава да биде слепо црево на Европа,“ изјави Филипче.
Според него, изолацијата е стратешки избор на власта за да се избегнат клучните реформи во правосудството и воведувањето на европските стандарди кои би значеле поголема контрола и одговорност.
На новинарско прашање за коментар на последните говори на премиерот Мицкоски во кои тој повикува на „национално обединување“, Филипче беше дециден дека таквата реторика е само маска за бегство од обврските.
Лидерот на социјалдемократите порача дека сегашната блокада ќе заврши со промена на власта, ветувајќи дека СДСМ ќе ги спроведе потребните чекори за деблокада на европскиот пат.
„Европа ќе се случи кога ние ќе дојдеме на власт по следните избори. Тогаш секој ќе одговара за своите постапки, а Македонија конечно ќе го заземе своето место во европското семејство,“ заклучи Филипче.
Кошта до Македонците: Ве чекаме во ЕУ, време е да се впишат Бугарите во Уставот
Ненадминливи Понуди Дневно
4.8 (10276 рецензии)
Заштедете 152.00 ден

