Единаесет години од настаните во „Диво насеље“: Дали се беше монтирано?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Единаесет години од настаните во „Диво насеље“: Дали се беше монтирано?

09 мај 2026

• од Темелко Тошев

Денеска се навршуваат 11 години од вооружената престрелка во кумановската населба „Диво насеље“. На 9 и 10 мај 2015 година, за време на антитерористичката операција, животот го загубија осум припадници на безбедносните сили, кои со својата пожртвуваност спречија поголема трагедија.

Во жестоките 28-часовни борби кои го потресоа градот, покрај осумтемина загинати, беа повредени уште 37 припадници на безбедносните единици. За својата храброст, сите загинати бранители се посмртно одликувани со медали за храброст.

Вечна слава за хероите

Денеска со гордост и тага се потсетуваме на имињата на оние кои го дадоа најскапото за безбедноста на државата:

Љубиша Аранѓеловиќ
Бобан Ивановиќ
Горан Илијевски
Жарко Кузмановски
Исамедин Османи
Сашо Самојловски
Ненад Серафимовски
Горан Стојменовиќ

Комеморативни активности: Хероите живеат вечно

Во знак на трајно сеќавање, во Куманово се организирани низа активности со кои се чествува споменот на загинатите припадници на МВР:

Панихида и полагање цвеќе: Денот на сеќавање започна со молитвена панихида во Соборниот храм „Свети Никола“. Потоа, делегации и граѓани положија свежо цвеќе пред спомен-обележјето во кругот на СВР Куманово.
Спортски меморијали: Во тек е хуманитарен турнир во мал фудбал под мотото „Хероите живеат вечно“, додека во недела ќе се одржи традиционалниот Меморијален велосипедски круг.
Уметнички и трајни обележја: Покрај спомен-плочата, во центарот на Куманово неодамна беше изработен и грандиозен мурал посветен на загинатите полицајци, како потсетник за новите генерации.

Двата дена кои го изменија градот

Граѓаните на Куманово сè уште свежо се сеќаваат на драматичните мајски денови во 2015 година. Населбата „Тоде Мендол“ (Диво насеље) беше целосно блокирана, а звуците од автоматско оружје и прелетувањето на хеликоптерите создаваа атмосфера на воена состојба.

„Овој трагичен настан остави длабока трага во нашата колективна меморија. Пораката на кумановци денес е јасна: Храброста на хероите нема да биде заборавена, а неизвесноста и стравот од тие денови никогаш не смеат да се повторат.“

Денешното одбележување е уште една потврда дека жртвата на овие осум мажи е вградена во мирот и стабилноста на градот и државата.