ДУИ: Охридскиот договор се поткопува, некои избираат да молчат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Охридскиот договор се поткопува, некои избираат да молчат

05 мај 2026

• од Тодор Вангелов

ДУИ реагираше со остар тон на последните јавни изјави и обвинувања, оценувајќи дека критиките се неосновани и мотивирани од лични интереси.

Во својата реакција, ДУИ директно го споменува Изет, посочувајќи дека тој поминал повеќе од 6.500 дена на државни функции и над 8.000 дена во рамките на партијата. „Овие години не му беа проблем. Станаа проблем само кога веќе не му беа доволни“, наведуваат од партијата, алудирајќи на, како што велат, променети ставови поради лични амбиции.

Од ДУИ остро реагираат и на реториката што ја користи политичкиот субјект Влен, обвинувајќи го за „низок јазик и дискредитација“, особено во денови кога се одбележуваат жртвите за еднаквост и достоинство. „Ова зборува повеќе за нив отколку за нас“, се наведува во реакцијата.

Партијата ја нагласува важноста на Охридски рамковен договор, потенцирајќи дека тој не е резултат на политички мандати, туку на компромис постигнат „врз крв, жртва и визија за заедничка држава“. Според ДУИ, токму затоа договорот се брани на сите релевантни форуми – од Скопје до Брисел и Вашингтон.

Во продолжение, ДУИ обвинува дека во актуелниот политички момент се случува постепено поткопување на Охридскиот договор. Тие наведуваат примери како укинување на балансерот и практични предизвици во употребата на јазикот, додека, според нив, одредени политички актери избираат да молчат.

„Суштината не е во минатото, туку во денешницата“, велат од ДУИ, додавајќи дека е неприфатливо некој да зборува за заштита на правата додека истовремено игнорира конкретни проблеми.

Во реакцијата се упатуваат и силни пораки поврзани со жртвите од минатото, при што се истакнува дека тие не го дале животот за „некој да молчи пред неправдата или да преговара за достоинството“.

„Тие паднаа за овој народ да не се плаши да зборува. И ние ќе зборуваме“, порачуваат од ДУИ, ставајќи јасен акцент на својата намера да продолжат со јавна и политичка активност.