Бочварски: Проектите што се градат се наследство од СДСМ, не на актуелната власт

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бочварски: Проектите што се градат се наследство од СДСМ, не на актуелната власт

05 мај 2026

• од Никола Трајковски

Пратеникот на СДСМ, Благој Бочварски, во гостување во емисијата „24 анализа“ упати сериозни критики кон актуелната Влада во врска со доцнењата и најавите за инфраструктурните проекти, со посебен осврт на изградбата на железничката пруга на Коридор 10.

Бочварски посочи дека Владата неколкупати ги менувала роковите за почеток на проектот, без да обезбеди конкретни предуслови за негова реализација.

„Владата најави уште минатата година дека овој проект ќе започне, ако не се лажам, есента 2025 година, односно до крајот на 2025 година, па потоа пролетта 2026 година. Еве веќе ќе влеземе во лето, а сега најавите се дека некаде во 2027 е возможно. Факт е дека Владата направи грешка во чекори кога најави ваков голем проект без обезбедено финансирање, без јасен модел за изградба и без дефинирана траса“, изјави Бочварски.

Во однос на генералната работа на Владата, тој оцени дека недостигаат конкретни резултати, и покрај тоа што веќе поминала половина од мандатот.

„Сè уште сме во фаза на најави за проекти кои треба да се реализираат, но реализација нема“, додаде тој.

Бочварски нагласи дека дел од тековните инфраструктурни активности се резултат на претходната власт предводена од СДСМ, а не на сегашната влада предводена од ВМРО-ДПМНЕ.

„Во моментот се градат проектите кои ги остави СДСМ, кои ги започна и ги предаде на оваа влада. Кичево–Охрид го предадовме со 84% прогрес, а сега има 91%, што значи дека се сработени околу 7% за две години. Експресниот пат Градско–Дреново беше предаден со 91%, тие го завршија преостанатиот дел од 9%, но потоа тврдеа дека тие го изградиле“, рече Бочварски.

Тој се осврна и на железничкиот сектор, потенцирајќи дека со доаѓањето на новата власт повторно е затворен пазарот.

„Ние како влада ја донесовме либерализацијата и го отворивме пазарот во железничкиот сообраќај. Сега, со доаѓањето на ВМРО-ДПМНЕ на власт, повторно е затворен. Во моментов, само ние и Босна и Херцеговина останавме со затворен железнички пазар“, истакна Бочварски.

Неговите изјави отвораат прашања за динамиката на реализација на клучните инфраструктурни проекти и транспарентноста во нивното планирање и спроведување.