05 мај 2026
• од Гоце Кически
Службеничка од Министерството за земјоделие доби казна затвор од 10 месеци откако призна дека примила поткуп од 2.000 евра во случај поврзан со злоупотреба на европските ИПАРД фондови.
Јасмина Костадинова ја призна вината, а судот одлучи да ги конфискува парите поврзани со кривичното дело, како и нејзините мобилни телефони. Претходно, таа побара дел од запленетите средства да ѝ бидат вратени, тврдејќи дека се нејзини, но судот го одби барањето.
Таа е една од деветтемина обвинети во случајот, кои, според обвинението, се обиделе да овозможат фирма што не ги исполнувала условите да добие средства од ИПАРД програмата на Европската Унија.
Првообвинет во предметот е поранешен министер, кој според обвинителството, со понуден поткуп од 50.000 евра потпишал договор за користење европски средства, иако фирмата не ги исполнувала критериумите.
Според истрагата, во случајот биле вклучени и поранешен директор на платежната агенција и други вработени. Судењето за останатите обвинети продолжува на 11 мај.
Ненадминливи Понуди Дневно
4.8 (10276 рецензии)
Заштедете 152.00 ден

