Алиу без конкретен одговор дали ќе има внатрешни проверки за фантом вработени на клиниките

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алиу без конкретен одговор дали ќе има внатрешни проверки за фантом вработени на клиниките

07 јуни 2026

• од Темелко Тошев

Министерот за здравство, Азир Алиу, не даде конкретен одговор на прашањето дали ќе се спроведуваат дополнителни внатрешни проверки за евентуално постоење на таканаречени фантом-вработени во клиниките и институтите. Одговарајќи на новинарско прашање, тој појасни дека ревизорските контроли во здравствените институции се спроведуваат согласно годишната програма на Државниот завод за ревизија, при што дел од клиниките веќе биле опфатени со проверки.

Според изјавата на министерот, ревизорите имаат однапред утврдена програма за работа. За оваа година биле опфатени неколку клиники, а за следната година е планирана средба за да се дефинира каде точно ќе се спроведуваат ваквите ревизорски процеси.

На директното прашање дали министерството или самите институции внатрешно ќе направат сопствени проверки, Алиу нагласи дека законските одредби се јасни и мора да се почитуваат. Тој додаде дека секое неоправдано отсуство од работа треба и мора да биде санкционирано согласно прописите, појаснувајќи дека доколку вработен не доаѓа на работа три дена, веднаш треба соодветно да се реагира.

Како клучен механизам за справување со овој проблем, министерот го посочи системот за евиденција со отпечаток од прст, за кој истакна дека е функционален и дека наскоро ќе биде целосно имплементиран. Алиу додаде дека и самиот лично се чекира при доаѓање на работното место за да покаже дека на тој начин може да се воведе ред во во здравствениот сектор.

Овој систем многу брзо ќе стане дел од сите клиники и здравствени институции, со цел соодветно да се наградат оние кои редовно и чесно доаѓаат на работа, но и да се преземат сите законски предвидени мерки за оние кои ги прекршуваат правилата и регулативите.