Џело Хоџиќ: Како се доведовме без војна да живееме полошо од Босна, Србија и Албанија?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Џело Хоџиќ: Како се доведовме без војна да живееме полошо од Босна, Србија и Албанија?

06 јуни 2026

• од Темелко Тошев

Во најновото издание на подкастот „Почетна пресметка“, опозицискиот политичар Џело Хоџиќ излезе со остра критика за економската и политичката состојба во Република Северна Македонија. Тој направи паралела помеѓу животниот стандард на нашите граѓани и граѓаните во соседните земји кои во минатото поминале низ разорни војни или тешка меѓународна изолација.

Според Хоџиќ, парадоксално е како државата која избегнала големи воени конфликти денес бележи полоши резултати од нејзиното опкружување.

„Е сега како Република Северна Македонија се доведе во оваа ситуација, без никакви конфликти и големи војни, нејзините граѓани да живеат послабо од граѓаните во Босна и Херцеговина кои имаа страшна војна и каде државата беше доста разрушена? Или послабо од Србија која беше бомбардирана?“ – запраша Хоџиќ за време на гостувањето.

Назадување во однос на соседите: Од лидери до заостанување

Осврнувајќи се на економската историја на регионот, тој потсети на фактот дека во 90-тите години Македонија била далеку пред земјите како Албанија и Бугарија, кои денес бележат сериозен скок во животниот стандард.

За Албанија: „Албанија беше најизолираната држава во Европа и ние во 1995 година сме биле децении пред неа. Сега сме дојдени многу позади неа.“
За Бугарија: „На почетокот на 90-тите сме имале подобар стандард од граѓаните во Бугарија. Денеска одите во Софија и не може воопшто да се спореди стандардот на луѓето таму со оние во Скопје.“

Директна прозивка до власта: Покажете барем еден резултат

Нагласувајќи дека секоја политика на крајот од денот се мери преку видливи резултати, Хоџиќ ја искористи приликата како опозиционер директно да ја прозове актуелната власт на ВМРО-ДПМНЕ за нивното владеење во изминатите две години. Тој упати отворен повик да се наведе барем еден позитивен резултат во клучните сектори во државата.

„Јас сум опозициски политичар и еве критикувам. Било кој да го каните, нека каже што е резултатот на ВМРО-ДПМНЕ и оваа власт во овие две години – еден резултат кажете ми! Во економијата нема никаков напредок, во евроинтеграциите имаме изолација, а во здравството нема никаков напредок,“ децидно заклучи Хоџиќ во подкастот „Почетна пресметка“.