Северна Македонија најостро го осуди рускиот напад со дрон врз станбена зграда во Романија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Северна Македонија најостро го осуди рускиот напад со дрон врз станбена зграда во Романија

29 мај 2026

• од Темелко Тошев

Министерството за надворешни работи и надворешна трговија на Северна Македонија упати остра реакција и осуда по повод рускиот напад со беспилотно летало врз станбена зграда во Романија, инцидент во кој беа повредени цивили.

Преку официјално соопштение објавено на платформата X (поранешен Твитер), македонското Министерство предупреди на опасностите од прелевање на последиците од војната надвор од територијата на Украина.

„Руската агресија врз Украина продолжува да создава ризици и надвор од украинските граници и претставува закана за регионалната безбедност“, се наведува во официјалната објава на Министерството.

Повик за почитување на меѓународното право

Од македонскиот дипломатски ресор децидно истакнуваат дека какви било напади насочени кон цивилни објекти се целосно неприфатливи. Во реакцијата се упатува силен апел за итно и безусловно почитување на меѓународното право, како и за максимална заштита на цивилното население кое не смее да биде цел на воени дејствија.

Растечка безбедносна закана за регионот

Овој инцидент дополнително ги подгрева стравувањата за безбедноста во источното крило на Алијансата. Романија, како земја-членка на НАТО и непосреден сосед на Украина, во изминатиот период во повеќе наврати алармираше до меѓународната заедница. Официјален Букурешт континуирано предупредува дека руските воени дејствија и напади во непосредна близина на нејзината државна граница претставуваат сериозен безбедносен ризик не само за земјата, туку и за целиот регион.