ВРЕМЕНСКА ПРОГНОЗА: Утре попладне силно невреме со пороен дожд и град, какви ќе бидат деновите од викендот?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВРЕМЕНСКА ПРОГНОЗА: Утре попладне силно невреме со пороен дожд и град, какви ќе бидат деновите од викендот?

27 мај 2026

• од Темелко Тошев

Времето утре претпладне ќе биде променливо облачно со сончеви периоди, но вистинската промена и дестабилизација на атмосферата следува во попладневните часови. Според најновите најави од метеоролозите, на повеќе места низ државата се очекува нестабилна облачност проследена со пороен дожд, грмежи и засилен ветер.

Опасност од локално невреме и силен ветер

Метеоролозите предупредуваат дека локално процесите ќе бидат поинтензивни и ќе преминат во форма на вистинско невреме.

Се очекува пообилен пороен дожд и силен ветер кој може да достигне брзина од над 60 km/h.
Постојат реални услови за изолирана појава на град.

Граѓаните се советуваат на внимателност доколку планираат активности на отворено во вториот дел од денот. Што се однесува до температурите, минималната ќе се движи во интервал од 9 до 18 степени, додека максималната дневна ќе достигне од 23 до 32 степена.

Прогноза за Скопје: Услови за краткотрајно невреме

Слична временска слика се очекува и во главниот град. Во Скопје претпладнето ќе помине во знак на променлива облачност и сончеви периоди, додека попладне следува значителна нестабилност со пороен дожд, грмежи и засилен ветер.

Во скопската котлина постојат услови за изолирана појава на краткотрајно невреме. Утринската температура ќе се спушти до 15, а максималната дневна ќе достигне до 30 степени.

Какво време не очекува за викендот?

Добра вест за оние кои планираат викенд активности е што по утрешното невреме, во петок и сабота нè очекува целосно стабилизирање на временските прилики. Времето ќе биде стабилно, но ќе донесе благо заладување и пониски температури на воздухот.

Сепак, стабилното време ќе биде со краток здив. Веќе од недела температурите повторно ќе бидат во пораст, а во попладневните часови се враќа локалната нестабилност која повторно ќе донесе пороен дожд, грмежи и засилен ветер.