Љубчо Георгиевски: Преку глава ми е од лажниот патриотизам, денешното ВМРО-ДПМНЕ стана синоним за 'српскиот свет' во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Преку глава ми е од лажниот патриотизам, денешното ВМРО-ДПМНЕ стана синоним за 'српскиот свет' во Македонија

30 мај 2026

• од Темелко Тошев

Поранешниот премиер и прв претседател на ВМРО-ДПМНЕ, Љубчо Георгиевски, упати остри критики кон актуелното раководство на партијата што самиот ја основаше, обвинувајќи ги за идеолошко изобличување, напуштање на историските идеали и промовирање на лажен патриотизам.

Историското ВМРО наспроти денешното „салто мортале“

Осврнувајќи се на корените на историското ВМРО, Георгиевски потсети дека организацијата била формирана токму како одговор на надворешните пропаганди. Тој го изрази своето неразбирање за насоката во која се движи денешната партија, истакнувајќи го парадоксот на нејзината сегашна идеолошка матрица.

„Според основачите на историското ВМРО, многу јасно пишува: кога сфативме дека и српската пропаганда доаѓа во Македонија, одлучивме да го направиме ВМРО. Значи, ВМРО од историските основачи е направено како реакција на српската пропаганда во Македонија,“ појасни Георгиевски.

Тој додаде дека денешната состојба претставува неразбирливо „салто мортале“, нагласувајќи дека партијата денес се претворила во синоним за промоција на „српскиот свет“ во Македонија.

Одговор на етикетите од денешното раководство

На констатацијата дека истата таа партија денес го етикетира како пробугарски политичар со антимакедонски настојувања, додека сегашното раководство предводено од Христијан Мицкоски се претставува како ексклузивен бранител на македонската кауза, Георгиевски одговори видно револтиран:

„Знаете, од тој лажен македонски патриотизам ми е преку глава.“

„Јас сум во основата на борбата за независност“

Бранејќи го своето политичко минато и историско наследство, Георгиевски потсети на неговата клучна улога во процесот на осамостојувањето на македонската држава во почетокот на 1990-тите години. Тој потенцираше дека неговиот придонес за државата не може да биде избришан со дневнополитички обвинувања.

„Јас знам што е Македонија, знам што е изворна Македонија, знам што е борба за самостојна и независна Македонија.“
„Јас сум во основата на борбата за самостојна и независна Македонија. Прв сум кој рече 'самостојна и независна Македонија' во оваа држава.“
„Знам дека никој, со никаква етикета, не може да ми го земе тоа.“