Левица: За договорот со „Бехтел и Енка“ ќе се плаќаат милионски кредити – наместо репрограмирање ДПМНЕ го задолжи народот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: За договорот со „Бехтел и Енка“ ќе се плаќаат милионски кредити – наместо репрограмирање ДПМНЕ го задолжи народот

08 јуни 2026

• од Темелко Тошев

Политичката партија Левица денеска преку соопштение упати остри критики кон владејачката ВМРО-ДПМНЕ, обвинувајќи ја за лицемерие и продолжување на, како што велат, штетните политики во врска со договорот за изградба на коридорите со американско-турскиот конзорциум „Бехтел и Енка“.

Според партијата, актуелната власт целосно го променила својот став за овој инфраструктурен проект откако ја презела управувачката палка. Од Левица потсетуваат дека додека ВМРО-ДПМНЕ била во опозиција, проектот бил претставуван како „симбол на криминал, нетранспарентност и штетно трошење на народните пари“. Граѓаните тогаш слушале ветувања за репреговарање на договорот, утврдување одговорност и ставање крај на практиките кои ја чинат државата милијарди евра.

„Денес, наместо репреговарање, гледаме нешто сосема спротивно. Истата власт која ветуваше пресврт, сега обезбедува нови средства и нови задолжувања за истиот проект“, се наведува во соопштението на Левица.

Партијата јавно упати неколку суштински прашања до Владата:

Ако договорот бил криминален тогаш, зошто денес се финансира?
Ако бил штетен за државата, зошто не е изменет?
Ако бил пример за лошо владеење, зошто сега се продолжува по истиот пат?

Системски проблем стар четири децении

Од Левица посочуваат дека проблемот е подлабок од една политичка партија и еден проект, нотирајќи дека веќе четириесет години државата не успева да изгради систем во кој капиталните проекти ќе се реализираат без анекси и дополнителни милионски трошоци.

„Наместо функционална инфраструктура, добиваме нови долгови. Наместо резултати, добиваме оправдувања. Постојано се префрла товарот врз граѓаните“, истакнуваат од партијата.

Ризик од регионална изолација

Во соопштението се прави и паралела со земјите од опкружувањето. Од Левица предупредуваат дека додека соседните држави се натпреваруваат во привлекување инвестиции, градење подобра инфраструктура и побрза интеграција во европските економски текови, Македонија останува заглавена во кругот на политички пресметки и континуирано задолжување.

„Статус квото продолжува. А со него продолжува и изолацијата на државата. Наместо Македонија да стане регионален центар за инвестиции, транспорт и бизнис, таа сè повеќе ризикува да стане спореден и ирелевантен фактор на Балканот. Цената на тоа не ја плаќаат политичарите. Ја плаќаат граѓаните, компаниите и идните генерации кои ќе ги враќаат долговите создадени денес“, заклучуваат од Левица.