08 мај 2026
• од Гоце Кически
Православните верници денес го чествуваат Светиот апостол и евангелист Марко, сопатник и духовен син на апостолот Петар, како и автор на едно од четирите Свети Евангелија.
Според црковното предание, Марко го запишал животот, чудата и спасоносната наука на Господ Исус Христос додека престојувал во Рим со апостолот Петар, кој го потврдил неговото сведоштво како вистинито.
Свети Марко бил поставен за епископ и испратен да проповеда во Египет, каде станал првиот проповедник на Евангелието и прв епископ. Неговата мисија се проширила низ Либија, Амоникија, Пентапол и Александрија, каде ја основал Црквата, поставил свештеници и ѓакони и ја утврдил христијанската вера.
Поради неговото проповедање, незнабошците го обвиниле како разорувач на идолопоклонството. По враќањето во Александрија бил фатен, мачен и влечен по улиците. Според преданието, во затвор му се јавиле ангел небесен и Самиот Господ Исус Христос, Кој го укрепил со зборовите: „Мир на тебе, евангелисту Мој!“
Следниот ден Свети Марко повторно бил изведен и мачен, по што ги изговорил зборовите: „Во Твоите раце, Господи, го предавам мојот дух!“ и се упокоил.
Неговите свети мошти биле чесно погребани од христијаните, а низ вековите, според верата на Црквата, останале извор на исцеленија и духовна утеха за верниците.
Ненадминливи Понуди Дневно
4.8 (10276 рецензии)
Заштедете 152.00 ден

