Јандроковиќ предупредува: Србија набавува офанзивно оружје, Европа мора да ја зајакне сопствената безбедност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Јандроковиќ предупредува: Србија набавува офанзивно оружје, Европа мора да ја зајакне сопствената безбедност

26 август 2026

• од Темелко Тошев

Европа мора итно да ја зајакне сопствената безбедност и европскиот столб на НАТО во услови кога светскиот поредок забрзано се менува. Ова е главната порака на претседателот на хрватското Собрание, Гордан Јандроковиќ, кој на конференцијата на хрватските амбасадори, конзули и воени аташеа испрати сериозно предупредување за безбедносната динамика во регионот.

Според Јандроковиќ, соседна Србија континуирано набавува офанзивно оружје, факт на кој Европската Унија и западните сојузници мора да обрнат внимание.

„Србија се вооружува не само со одбранбено, туку и со офанзивно оружје, а тоа треба јасно да им биде посочено на нашите западни сојузници“, нагласи Јандроковиќ, пренесува Н1.

Тој посочи дека Хрватска има посебна обврска и задача да им ги објаснува регионалните случувања на западните земји. Според него, новите политички елити во Европа често не го разбираат целосно просторот на поранешна Југославија, ниту пак се сеќаваат на великосрпските политики на Слободан Милошевиќ кои доведоа до крвавото распаѓање на тогашната држава.

Иако Хрватска останува силно посветена на мултилатерализмот, меѓународното право и поредок, Јандроковиќ потенцираше дека земјата мора да биде свесна за новите предизвици. Тој додаде дека Европа со децении се потпирала на сигурноста дека САД секогаш ќе стојат зад неа, што ги навело европските земји лекомислено да ја занемарат сопствената безбедносна инфраструктура.

Проширувањето на ЕУ како геополитички стабилизатор

Осврнувајќи се на проширувањето на Европската Унија, претседателот на хрватскиот парламент истакна дека во стратешки интерес на Загреб е земјите од југоисточното соседство постепено да напредуваат кон полноправно членство, базирано исклучиво врз нивниот постигнат напредок. Сепак, тој предупреди дека Загреб истовремено мора јасно да зборува и да предупредува на потенцијалните безбедносни ризици во регионот.

На овој значаен дипломатски собир присуствуваше и еврокомесарката за проширување, Марта Кос, која го истакна позитивниот тренд на проширувањето. Таа ја оцени 2026 година како рекордна во однос на напредокот кон ЕУ.

„Во првите осум месеци беа отворени и затворени повеќе поглавја отколку во која било година во последните 25 години,“ информираше Кос, заклучувајќи дека процесот на проширување повторно ја презел клучната улога на европски геополитички стабилизатор.