Бугарските археолози со неочекувано откритие: Пронајдени 17 средновековни садови во Русокастро

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарските археолози со неочекувано откритие: Пронајдени 17 средновековни садови во Русокастро

20 август 2026

• од Темелко Тошев

Бургаските археолози наидоа на неочекувано откритие при најновите ископувања во средновековниот град Русокастро. Покрај претходно откриените кули, десетици стрели и целосно зачувана мамуза, археолошката екипа пронајде дури седумнаесет керамички садови кои ќе бидат целосно реставрирани, соопштуваат од Регионалниот историски музеј во Бургас.

Според експертите, пронајдените садови биле сместени во зграда која се наоѓала веднаш до тврдинскиот ѕид, уредно наредени на полици во непосредна близина на голема печка за домаќинство. За време на голем и интензивен пожар кој се случил кон средината на XIV век, објектот целосно изгорел. Садовите паднале на подот и останале затрупани под јаглен и камења од градбата, како и од секундарниот насип направен по самиот пожар.

Токму во ваква состојба ги пронашле и археолозите – фрагментирани поради затрупувањето, но не и разместени од своето првобитно место на паѓање.

Меѓу богатиот пронајдок се издвојува целосно зачувана чинија изработена во познатата „сграфито“ техника. Покрај неа, откриени се и лонци, чаши, големи садови за складирање храна, па дури и подница (сад) за печење леб. Она што е особено интересно е дека во дел од садовите се зачувани јагленисани остатоци од житарки, кои според првичните анализи се просо и леќа.

Сите овие наоди се откриени на внатрешната страна од југозападниот ѕид на тврдината. Археолозите во моментов го приведуваат кон крај неговото истражување. Нивната главна цел е до крајот на оваа година целосно да ги завршат ископувањата на 300-метри долгиот западен ѕид на средновековниот град. По завршувањето на археолошките работи, локалитетот ќе биде предаден за проектирање и изведба на конзерваторски и реставраторски зафати, со што дополнително ќе се зачува историското богатство на Русокастро.