Франција ја засилува поддршката за Украина по последните руски напади

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Франција ја засилува поддршката за Украина по последните руски напади

23 август 2026

• од Темелко Тошев

Францускиот претседател Емануел Макрон изјави дека Париз значително ќе ја зголеми својата поддршка за Украина, како одговор на смртоносните руски напади врз трговски центар во Криви Рог. При овој напад, кој се случи во петокот, животот го загубија 16 лица, а дури 130 беа повредени.

На социјалната мрежа Х (поранешен Твитер), Макрон објави дека остварил телефонски разговор со својот украински колега Володимир Зеленски.

„Го информирав претседателот Зеленски дека ја засилуваме нашата поддршка со испорака на пресретнувачи и дека ја продолжуваме нашата соработка“, истакна францускиот лидер.

Зеленски го потврди разговорот, нагласувајќи дека главна тема била итната потреба од зајакнување на противвоздушната одбрана. Тој посочи дека двајцата лидери се договориле да се забрза испораката на најновата француска опрема и ракети. Украинскиот претседател, исто така, му се заблагодари на Макрон за потврдената подготвеност Франција да обезбеди лиценци за производство на ракети.

За време на разговорот биле разгледани и односите со Вашингтон. Зеленски додаде дека со Макрон разговарале за состојбата на дипломатските напори со западните партнери и комуникацијата со тимот на претседателот на САД, при што се договорени чекори кои би можеле да отворат дополнителни дипломатски можности за Украина.

Во меѓувреме, како што пренесуваат медиумите, се очекува Макрон, заедно со лидерите на Германија и Обединетото Кралство, во понеделник да бидат коорганизатори на состанокот на „Коалицијата на волните“, посветен на континуираната поддршка на Украина во борбата против руската агресија.

Состанокот ќе се одржи во Киев. Дел од лидерите, вклучително и францускиот претседател, ќе се вклучат виртуелно, додека околу 10 високи претставници, меѓу кои и претседателот на Европскиот совет, Антонио Кошта, се очекува да присуствуваат лично.