Новата учебна година носи промени: Се затвораат 26 селски училишта, бројот на првачиња во опаѓање

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Новата учебна година носи промени: Се затвораат 26 селски училишта, бројот на првачиња во опаѓање

26 август 2026

• од Темелко Тошев

Оваа учебна година ќе започне со значителни промени во образовниот систем. Податоците покажуваат дека наставата ќе стартува со вкупно 300 паралелки помалку – 200 во основното и 100 во средното образование. Поради недостиг на запишани ученици во прво одделение или поради паралелки со помалку од 10 ученици, клучеви ќе бидат ставени на вратите во дури 26 селски училишта.

Министерката за образование, Весна Јаневска, појаснува дека ваквиот потег не е само од логистичка природа, туку се прави пред сè за доброто на учениците. Според неа, спојувањето на децата во поголеми централни училишта ќе им овозможи подобра социјализација и поквалитетно образование, наместо да бидат изолирани во мали, рурални средини.

„Ако на 2,5 километри имаме централно училиште каде што учат 200 деца, а на 2,5 километри во другиот правец имаме училиште со само 18 деца, нема логика да ги држиме децата изолирани“, истакна Јаневска. Сепак, таа потенцираше дека исклучоци ќе има за оние ученици кои живеат во оддалечени села (над 15-20 километри) или доколку патната инфраструктура е лоша, бидејќи малите деца не треба да го поминуваат целиот ден патувајќи.

Учебниците се веќе во училиштата

За разлика од претходните години, кога учениците со месеци чекаа на наставни материјали, министерката Јаневска уверува дека годинава тој проблем е надминат. Учебниците се веќе дистрибуирани по училиштата многу пред почетокот на учебната година, со што наставата ќе може непречено да започне.

Околу 14.500 првачиња досега

Што се однесува до уписите, досега се запишани околу 14.500 првачиња. Овој број е помал во споредба со минатата година, но првичниот страв дека ќе има дури 4.000 првачиња помалку е ублажен, бидејќи разликата во меѓувреме е намалена. Конечната бројка допрва ќе биде позната, со оглед на тоа што процесот на запишување продолжува во текот на август и септември.