Во Кочани започнува судењето против Бугарката Ива Михаилова

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Во Кочани започнува судењето против Бугарката Ива Михаилова

06 јули 2026

• од Темелко Тошев

Во Основниот суд во Кочани денеска во 9:00 часот започна судскиот процес против бугарската државјанка Ива Михаилова, која е обвинета за предизвикување на сообраќајна несреќа.

На рочиштето се очекува да бидат сослушани три вешти лица, како и сведоци на самиот инцидент. Клучниот дел од процесот се очекува да бидат трите автотехнички вештачења, кои даваат сосема различни заклучоци за причините кои довеле до сообраќајната несреќа.

Спротивставени експертизи

Според вештачењето изработено по барање на Обвинителството на Република Северна Македонија, двата автомобила се судриле на самата осовинска линија на патот, врз основа на што обвинението смета дека Михаиловае виновна за судирот.

Од друга страна, останатите две вештачења, кои беа нарачани од одбраната, посочуваат поинаква динамика на настанот. Според овие наоди, автомобилот што доаѓал од спротивниот правец навлегол во коловозната лента на Михаилова за 90 до 95 сантиметри, што, според експертите на одбраната, е директната причина за ударот.

Во текот на денот, во судницата како сведоци треба да бидат испрашани и тројцата мажи кои патувале во автомобилот од спротивниот правец.

Сериозно нарушена здравствена состојба

Паралелно со судскиот процес, растат и стравувањата за здравствената состојба на Ива Михаилова. Како последица од несреќата, таа се здобила со сериозни повреди на 'рбетот, а нејзината состојба во меѓувреме дополнително се влошила. Медицинските експерти посочуваат дека таа има итна потреба од специјализирано лекување кое може да биде спроведено исклучиво во медицински центри во Бугарија, Турција или Израел.

И покрај ваквите медицински препораки, Ива Михаилова сè уште нема добиено дозвола да ја напушти територијата на Република Северна Македонија за да го продолжи лекувањето во својата матична земја. Нејзината одбрана апелира дека ваквото одолговлекување го става нејзиното здравје и живот под сериозен ризик.