Арбен Таравари: Македонците немаат поблизок народ од Бугарите, мора да го сфатат ова

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арбен Таравари: Македонците немаат поблизок народ од Бугарите, мора да го сфатат ова

05 јули 2026

• од Темелко Тошев

Во своето најново гостување во подкастот „Почетна пресметка“, Арбен Таравари изнесе отворени критики за актуелните македонско-бугарски односи, нарекувајќи го развивањето на антибугарството во државата „патолошко“ и „нерационално“.

Според него, историските спорови се ирелевантни и не смеат да бидат пречка за дијалог меѓу, како што вели, двата братски народа.

Антибугарството како „нерационална патологија“

Таравари потсети на историскиот факт дека Бугарија беше меѓу првите држави кои ја признаа независноста на Македонија и континуирано ја поддржуваше државата низ евроинтегративниот процес, сè до првата блокада во 2019 и 2020 година.

„Ова развивање на антибугарството во Македонија мислам дека е патолошка и нерационална работа. Добар сосед и братски народи треба да седнат и може да ги решат сите проблеми,“ посочи Таравари, додавајќи дека актуелниот начин на комуникација го смета за ненормален.

Дипломатија и државнички однос

Осврнувајќи се на актуелната политичка комуникација меѓу Скопје и Софија, тој го критикуваше односот кон бугарскиот државен врв, особено по последните избори таму. Според него, соседните држави секогаш мора да одржуваат добри односи и еквидистанца, честитајќи им на легитимно избраните претставници без политичко его.

Историските спорови се „приказни за деца“

За Таравари, спорењето околу историските личности е непотребно оптоварување на сегашноста. Тој направи паралела со другите земји во регионот, потенцирајќи дека сите соседи делат одредена историја.

„Сигурно ви гарантирам дека и Хрватска и Словенија имаат спорови за одредени личности. И Албанија и Косово имаат, како што имаат Србија и Хрватска, така и Бугарија и Македонија. Секогаш ќе има одредени ликови кои и Бугарите ќе ги доживуваат како нивни, и Македонците како нивни,“ објасни тој.

Тој апелираше на рационалност и оставање на историјата настрана во интерес на иднината.

„Тоа е толку ирелевантно. Абе овие се приказни за деца. Бидете рационални, седнете со соседите и братскиот народ. Бугарија е македонски братски народ, поблизок народ Македонците од Бугарите немаат. Мораат да го сфатат ова,“ заклучи Таравари во „Почетна пресметка“.