СДСМ: Владата нема план за економски развој, има план само за трошење и задолжување

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата нема план за економски развој, има план само за трошење и задолжување

23 јуни 2026

• од Темелко Тошев

Додека власта се фали со лажни рекорди, реалноста во паричниците на граѓаните е поразителна: буџетот е испразнет, дефицитот е надминат, а државата е втурната во должничка спирала која се заканува со колапс на економијата.

Министерката за финансии, Гордана Кочоска, денеска конечно го призна она што СДСМ со месеци го предупредуваше – во државната каса нема пари. Поразителниот факт е дека целиот планиран годишен буџетски дефицит е потрошен уште во првите шест месеци од годината. Наместо консолидација и ветувано намалување, Владата со најавениот ребаланс планира дополнително да го продлабочи дефицитот, што е директна потврда за целосниот неуспех на нивната економска политика.

Граѓаните ја чувствуваат реалноста, а не пропагандата на Мицкоски

Додека власта во своите „триумфални“ изјави говори за „трета економија во Европа“, граѓаните најдобро ја знаат вистинската состојба. Доволно е да погледнат во своите паричници и фрижидери. Таму не се гледа економски раст, туку:

Раст на трошоците за живот;
Драстичен пад на куповната моќ;
Сè поголема неизвесност и загриженост за иднината.

Наместо да се насочат кон реформи, Владата со Мицкоски на чело, ја турка земјата во изолација. Поради застојот во европските интеграции, државата свесно ги пропушта развојните можности, странските инвестиции и европските средства кои би биле клучен мотор за економски развој.

11 милијарди евра јавен долг: Каде завршија парите?

Ветувањата за намалување на јавниот долг останаа само на хартија. За само две години, долгот е зголемен за фрапантни 2,5 милијарди евра, достигнувајќи ја вртоглавата сума од 11 милијарди евра.

Поставуваме јасно прашање: Каде завршија овие пари?

Тие не завршија кај граѓаните преку повисоки плати, не завршија во реални мерки за компаниите, ниту во капитални инвестиции. Тие завршија во криминалните партиски тендери на ВМРО-ДПМНЕ.

Колапс наместо развој

СДСМ уште еднаш предупредува: оваа Влада нема план за економски развој. Има само план за трошење, задолжување и лично богатење на поединци блиски до партијата на власт. Граѓаните се оние кои ќе ја платат цената за оваа финансиска неодговорност преку повисоки камати, повисоки даноци и поскапи услуги.

Оваа влада нема ниту проевропска, ниту развојна политика. Наместо за граѓаните, таа работи исклучиво за своите партиски интереси, туркајќи ја Македонија назад во времето на изолација и економска неизвесност.

Крајно време е власта да престане со лагите и да преземе одговорност за економскиот колапс кон кој ја води државата.