Парадокс на пазарот на труд: 100 илјади невработени, а компаниите мака мачат да најдат соодветен кадар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Парадокс на пазарот на труд: 100 илјади невработени, а компаниите мака мачат да најдат соодветен кадар

15 јули 2026

• од Темелко Тошев

Иако бизнис-секторот ја поздравува новата мерка од Оперативниот план за вработување за 2026 година која нуди финансиска поддршка за креирање нови работни места, работодавците алармираат дека главниот проблем не се парите, туку недостигот на квалификуван кадар. Поради ова, тие инсистираат на итна преквалификација на невработените и темелно прочистување на евиденцијата во Агенцијата за вработување, за да можат полесно да дојдат до луѓе кои вистински бараат работа. До 24 јули е отворено пријавувањето за подмерката „Вработување и раст на правните субјекти“, за која се обезбедени околу 5,4 милиони евра (332,65 милиони денари). Планот е со овие средства да бидат опфатени 1.385 активни баратели на работа. Заменик-министерот за економија и труд, Марјан Ристески, ги повика микро, малите и средните претпријатија, како и социјалните претпријатија и здруженијата да аплицираат, истакнувајќи дека крајната цел е отворање работни места и задржување на работната сила дома. Финансиската помош што ќе ја добијат компаниите изнесува: 250.000 денари за вработување лице до 29 години (со обврска да се задржи на работа 15 месеци). 220.000 денари за лица од ранливи категории (со обврска за задржување од 12 месеци). 160.000 денари за невработени над 29 години (со обврска за задржување од најмалку 9 месеци). Сепак, и покрај субвенциите, стопанствениците предупредуваат дека вештините се клучот кој недостасува. Нухи Алиу, претседател на Стопанската комора на Северозападна Македонија, вели дека мерката е навремена, но укажува на парадоксот со бројките. „Иако во евиденцијата има околу 100 илјади невработени, кога бараат работници преку Агенцијата за вработување, компаниите најчесто добиваат одговор дека нема лица со потребните квалификации“, вели Алиу, додавајќи дека реалната невработеност е веројатно многу пониска и дека бројката би се преполовила доколку се прочистат списоците. Тој ја потенцира потребата од обуки, доквалификации и преквалификации со цел невработените да ги стекнат оние вештини кои реално му се потребни на стопанството – барање кое бизнис-заедницата подолго време го упатува до институциите.