Нема терапија за пациентите со рак на простата на Онкологија – „Чекаме со недели, патуваме со часови за ништо!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нема терапија за пациентите со рак на простата на Онкологија – „Чекаме со недели, патуваме со часови за ништо!“

10 јули 2026

• од Темелко Тошев

Пациентите кои се лекуваат од рак на простата повторно се соочуваат со сериозен проблем. На Универзитетската клиника за радиотерапија и онкологија во Скопје недостасуваат блокатори на тестостерон, неопходни за нивниот третман. Револтирани граѓани алармираат за неизвесноста со која се соочуваат, особено потенцирајќи го малтретирањето на пациентите кои патуваат од внатрешноста на државата.

Голготата на пациентите: Пат од неколку часа за затворена врата

Граѓаните кои се обратија до нашата редакција сведочат за системска негрижа и недостаток на основни информации. Пациентите уредно се појавуваат на своите закажани термини, само за да бидат вратени назад без да ја примат неопходната терапија која им го продолжува животот.

Во една од пораките испратени до нашата редакција, револтиран член на семејство на онколошки пациент пишува:

„Мојот татко е опериран од рак на простата и денес се појави уредно на својот термин без да му дадат терапија, образложение немале. На неговиот пријател кој имаше термин пред 3 недели не му беше дадена терапијата со истото образложение и ќе му се јавеле штом ќе добијат. Човекот уште чека. Како тоа терапии за онколошки пациенти да не се достапни? Луѓето не ни живеат во Скопје, мораат да патуваат со саати до Скопје и назад на своите термини за да им кажат дека НЕМА ТЕРАПИЈА, на Онкологија.“

Што велат надлежните?

За овој сериозен проблем кој директно го загрозува здравјето на најранливата категорија пациенти, побаравме одговори од Клиниката и од ресорното министерство.

Директорот на Клиниката за радиотерапија и онкологија, Игор Стојковски, го потврди недостатокот на лекови, лоцирајќи го проблемот кај дистрибутерот:

Причината за застојот: „Во врска со прашањето за достапноста на терапијата за андрогена депривација кај пациентите со карцином на простата, информираме дека е евидентирано привремено нарушување на динамиката на испорака од страна на дистрибутерот.“
Решението: Според Стојковски, Клиниката е во постојана комуникација со компанијата задолжена за дистрибуција и се очекува постепено нормализирање на испораката на лековите во текот на следната недела.

Додека пациентите чекаат на ветувањата за следната недела и се прашуваат како прекинот на терапијата ќе влијае врз нивната здравствена состојба, Министерството за здравство остана немо. Од таму не одговорија на нашите прашања и не дадоа никакво објаснување зошто се дозволува онколошките пациенти повторно да бидат оставени без својата редовна терапија.