МВР: Криминалот во Македонија е намален за 30 отсто, најниско ниво во последните 20 години

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

МВР: Криминалот во Македонија е намален за 30 отсто, најниско ниво во последните 20 години

07 јули 2026

• од Темелко Тошев

Министерството за внатрешни работи (МВР) на Северна Македонија соопшти дека според нивните податоци, нивото на криминал во земјата е на најниско ниво во последните 20 години. Според официјалната статистика, вкупниот криминал е намален за 30 отсто во текот на последните две години.

Во соопштението од Министерството се наведува дека е значително зголемена и ефикасноста во откривањето на кривичните дела и нивните сторители, достигнувајќи 69 отсто.

Според МВР, во овој период се разбиени повеќе од 30 организирани криминални групи, додека бројот на откриени групи поврзани со корупција е зголемен за 50 отсто.

„Во борбата против трговијата со дрога откриени се над 1.600 кривични дела, поднесени се пријави против околу 1.900 лица, запленети се 6,2 тони наркотици и спречени се девет меѓународни транспорти на марихуана и кокаин. Заплените на кокаин се зголемени за повеќе од 300 отсто“, истакнуваат од МВР.

Позитивни трендови се бележат и кај имотниот криминал, кој бележи пад од над 30 отсто, додека разбојништвата и насилните кражби се намалени за над 40 отсто.

„Ова не се само статистички показатели. Зад секоја бројка стои спречено кривично дело, разбиена криминална мрежа, спасен живот, заштитен имот и поголема безбедност за граѓаните“, се заклучува во соопштението на Министерството за внатрешни работи.