Бугарскиот пратеник Ангел Георгиев бара остри мерки од Софија по опожарените возила во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот пратеник Ангел Георгиев бара остри мерки од Софија по опожарените возила во Скопје

16 јуни 2026

• од Темелко Тошев

По инцидентот со опожарените возила на бугарската амбасада во Скопје, бугарскиот пратеник Ангел Георгиев преку социјалните мрежи упати остри критики и најави итни институционални чекори. Како претседател на комисијата по политиките за Бугарите во странство, Георгиев информираше дека веќе свикал затворена седница на ова тело.

Споделувајќи вест од бугарската национална телевизија (БНТ) за запалените дипломатски автомобили, Георгиев истакна дека настанот е резултат на, како што ја нарекува, „целосната антибугарска кампања во Македонија“.

Во својата објава, тој побара итна реакција од нивниот државен врв, потенцирајќи дека е дојдено време за „цврсти и соодветни дејствија од Министерството за надворешни работи (МНР)“.

„Во Македонија Бугарите постојано се тепаат и малтретираат, им се суди во монтирани судски процеси, новинари покажуваат средни прсти во етер кон бугарската држава (премиерот и претседателот), а се краде и манипулира и бугарската историја. Ова не може да продолжи повеќе вака“, напиша Георгиев на својот Фејсбук профил.

Острата реакција на бугарскиот политичар доаѓа откако вчера во Скопје беа запалени автомобили кои се во сопственост на бугарското дипломатско претставништво, настан кој веќе предизвика бурни реакции во соседна Бугарија.