Бугарското МНР со остра осуда за запалените дипломатски возила во Скопје: „Бараме брза и праведна разрешница“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарското МНР со остра осуда за запалените дипломатски возила во Скопје: „Бараме брза и праведна разрешница“

15 јуни 2026

• од Гоце Кически

Министерството за надворешни работи на Република Бугарија излезе со официјален став по повод инцидентот што се случи на 15 јуни во пладневните часови во Скопје, кога беа запалени дипломатски возила паркирани пред официјалниот влез на бугарската мисија.

Бугарското МНР најостро го осудува овој, како што го нарекуваат, демонстративен акт на агресија, кој според нив го загрозува здравјето и животот на вработените во амбасадата во Скопје.

Како што соопштуваат од ведомството, доколку не била навремената интервенција на бугарскиот конзул со противпожарен апарат, штетите од овој намерен палеж можеле да бидат значително поголеми. Оттаму инсистираат на брзо и праведно спроведување на правдата за овој случај.

Обвинувања за говор на омраза и неказнивост

Во реакцијата на министерството се посочува дека овој инцидент е последица на поширока политичка клима:

„Ова понатамошно посегнување против Бугарија и Бугарите е резултат на агресивниот политички говор кој поттикнува омраза, како и на недостатокот на соодветна реакција од институциите во претходни слични значајни случаи, што создава чувство на неказнивост кај сторителите. Потсетуваме дека по последниот палеж во Република Северна Македонија врз Бугарскиот културен клуб во Битола, наместо да добие соодветна казна, подметнувачот на пожарот беше хероизиран и вклучен во предизборна политичка кампања“, се наведува во ставот на МНР.

На крајот, од министерството додаваат дека бугарската држава ќе продолжи да ги користи сите воспоставени механизми за да се спротивстави на обидите за создавање атмосфера на страв за Бугарите во Република Северна Македонија, пренесува бугарската телевизија bTV.